25.06.2026 | 07:04
ԱԱ-2026. Մեքսիկան դարձյալ հաղթեց, ՀԱՀ-ը դուրս եկավ փլեյ-օֆֆ. ՏԵՍԱՆՅՈՒԹ
Արցախի ԱԳՆ-ն մերժեց Բաքվում բանակցելու տարբերակը. «Սուրմալու» կենտրոնի աշխատանքը դադարեցվեց. Լուրեր
Քաղաքականություն
14.03.2023 | 13:20
- Արցախի ԱԳՆ-ից պատասխանել են Ադրբեջանի և Արցախի ներկայացուցիչների միջև Բաքվում հանդիպում անցկացնելու մասին Ադրբեջանի ղեկավարի աշխատակազմի առաջարկին և հայտնել են, որ Արցախի Հանրապետությունը հավատարիմ է նախկինում հայտնած իր դիրքորոշմանը, որ նման հանդիպումներ կարող են տեղի ունենալ ՌԴ խաղաղապահների միջնորդությամբ, նույն վայրում՝ ինչպես մարտի 1-ին, հումանիտար, ենթակառուցվածքային, տեխնիկական հարցերի շուրջ, առանց դրանց անհարկի քաղաքականացման: Միևնույն ժամանակ Արցախի ԱԳՆ-ից հայտնում են, որ Լաչինի միջանցքի փակ լինելն ու հումանիտար ճգնաժամի շարունակումն անընդունելի են և ոչ մի կերպ չեն նպաստում բանակցային բարենպաստ մթնոլորտի ձևավորմանը։
- Քաղաքաշինության, տեխնիկական և հրդեհային անվտանգության տեսչական մարմինը ստուգումների արդյունքում Սուրմալու տոնավաճառում հայտնաբերել է տեխնիկական և հրդեհային անվտանգության նորմատիվ փաստաթղթերի պահանջների բազմաթիվ խախտումներ։ Տեսչական մարմնի ղեկավարը որոշել է ամբողջությամբ դադարեցնել առևտրի կենտրոնի գործունեությունը՝ մինչև հայտնաբերված խախտումների վերացումը։
- Եվրամիությունը հերթական անգամ վեց ամսով երկարաձգել է հակառուսական պատժամիջոցների ամբողջ փաթեթը, որը վերաբերվում է 1,5 հազար ֆիզիկական և 205 իրավաբանական անձի: Պատժամիջոցները սահմանվել են Ռուսաստանի՝ Ուկրաինայի տարածքային ամբողջականությունը խաթարելու համար։
Այս ժամի լուրերը՝ տեսանյութում։
