13.01.2025 | 23:21
Հասմիկ Տոլմաջյանը նշանակվել է Շվեյցարիայում ՀՀ դեսպան
Անահիտ Ավանեսյանը ԿԽՄԿ պատվիրակության հետ քննարկել է Արցախ դեղորայք տեղափոխելու հետ կապված դժվարությունները
10.03.2023 | 23:17
ՀՀ Առողջապահության նախարար Անահիտ Ավանեսյանն այսօր ընդունել է ԿԽՄԿ պատվիրակությանը` հայաստանյան պատվիրակության ղեկավար Թիերի Ռիբոյի գլխավորությամբ:
ԱՆ մամուլի ծառայությունից տեղեկանում ենք, որ քննարկվել է Արցախում հումանիտար իրավիճակը և դեղորայքի տեղափոխման հետ կապված դժվարությունները:
«Թեև Կարմիր Խաչի աջակցությամբ 100 քաղաքացի տեղափոխվել է Հայաստան անհետաձգելի բուժօգնություն ստանալու, իրավիճակը չի փոխվել և փակ ճանապարհի պայմաններում մարդկանց առողջապահական կարիքները մնում են չլուծված »,-նշել է նախարարը:
Քննարկվել են նաև դատաբժշկական- գիտագործնական հիմնարկները վերազինելու, կարողությունները հզորացնելու ծրագրերը և դրանց հավատարմագրման հարցում ԿԽՄԿ հնարավոր աջակցությունը:
