12.09.2026 | 10:41
Լիբանանի նախագահը հանդիպել է ՀՀ դեսպանին
Ռուսաստանում ուսուցիչները բախվել են աշխատավարձերի զանգվածային ուշացման խնդրին
Քաղաքականություն
10.03.2023 | 22:41
Երկար տարիների ընթացքում առաջին անգամ Ռուսաստանում մանկավարժները բախվել են աշխատավարձերի զանգվածային ուշացման խնդրին: 2023 թվականի փետրվարի սկզբին ուսուցիչներին պետության պարտքը հասել է 162 միլիոն ռուբլու՝ նախորդ ամսվա համեմատ աճելով 12 անգամ, մինչդեռ անցյալ տարվա վերջին այն չի գերազանցել 17 միլիոն ռուբլին։ Այս մասին ասվում է երկրի սոցիալ-տնտեսական իրավիճակի վերաբերյալ Ռոսստատի զեկույցում, փոխանցում է DW-ի ռուսական ծառայությունը։
Այդ գումարից 146 միլիոն ռուբլին պարտք են մարզերի բյուջեները, 4 միլիոնը՝ տեղական բյուջեները, 2 միլիոնը՝ դաշնային գանձարանը։ Եվս 10 միլիոն ռուբլի ուսուցիչները չեն ստացել գործատուներից՝ «սեփական միջոցների բացակայության» պատճառով։
Աշխատավարձի ընդհանուր պարտքը բոլոր ոլորտներում փետրվարի սկզբին հասել է 799 միլիոն ռուբլու, ինչը 24 տոկոսով ավելի է, քան հունվարին։ Գրեթե 19 հազար աշխատողի աշխատավարձն ուշացել է, հունվարին նրանց թիվը եղել է 8,3 հազար։
Պետության կողմից սոցիալական պարտավորությունների չկատարումը գրանցվել է Ռուսաստանի Դաշնության բյուջեի աճող դեֆիցիտի ֆոնին: 2023 թվականի հունվար-փետրվարին, ըստ Ֆինանսների նախարարության նախնական տվյալների, այն կազմել է 2,581 տրլն ռուբլի կամ մեկ տարվա համար նախատեսված 2,925 տրիլիոն ռուբլու գրեթե 90 տոկոսը։
Տաթև Ֆռանգյան
