07.12.2025 | 15:56
Մերցը Նեթանյահուի հետ է հանդիպել
Փրայսը և Զախարովան՝ ԼՂ կարգավորման մասին․ կարմրուկով վարակման դեպքերը կրկնապատվել են․ Լուրեր
Քաղաքականություն
10.03.2023 | 13:15
- Ադրբեջանի ԶՈՒ ստորաբաժանումները երեկ երեկոյան ժամը 17:50-ի սահմաններում, տարբեր տրամաչափի հրաձգային զենքերից կրակ են բացել Վերին Շորժայի ուղղությամբ տեղակայված հայկական դիրքերի ուղղությամբ: ՊՆ տեղեկացմամբ՝ հայկական կողմը կորուստներ չունի: Ժամը 20:00-ի դրությամբ՝ իրադրությունն առաջնագծում հարաբերականորեն կայուն է եղել:
- Ռուսաստանի ԱԳՆ խոսնակ Մարիա Զախարովան հայտարարել է, թե Մոսկվան կարծում է, որ պաշտոնական Երևանի ակտիվ մասնակցությունը փոխադարձաբար ընդունելի լուծումների փնտրտուքին կնպաստի Լեռնային Ղարաբաղում ստեղծված իրավիճակի դեէսկալացիային։ Նա նաև պնդել է, թե Ռուսաստանը ԱՄՆ-ի և ԵՄ-ի միջնորդությունը դիտարկում է որպես «հավելյալ սպառնալիք» Հայաստանի և Ադրբեջանի միջև խաղաղության գործընթացին։
- ԱՄՆ պետքարտուղարության խոսնակ Նեդ Փրայսը հայտարարել է, որ ԼՂ-ի հետ կապված միշտ հրատապություն եղել է, քանի որ սա փխրուն իրավիճակ է, որը չափազանց հակված է բռնության վերաճելու, ինչպես վերջին օրերին Լեռնային Ղարաբաղի տարածաշրջանում։ Ըստ Փրայսի, Միացյալ Նահանգները ցանկանում է անել ամեն ինչ՝ աջակցելու հակամարտության լուծմանը:
- Մարտի 10-ի՝ ժամը 10:00-ի դրությամբ, Հայաստանում կարմրուկի լաբորատոր հաստատված դեպքերի թիվը հասել է 46-ի։ Հիվանդությունների վերահսկման և կանխարգելման ազգային կենտրոնի փոխտնօրեն Գայանե Սահակյանն այսօրվա ասուլիսում նշել է, որ կարմրուկը կարող է առաջացնել ուղեղի թաղանթի բորբոքում, իսկ կարմրուկով հիվանդը կարող է վարակել 18-20 մարդու։
Այս ժամի լուրերը՝ տեսանյութում։
