19.02.2026 | 18:17
«Օրենքը պետք է հաղթանակի». Բրիտանիայի Չարլզ III թագավորը` եղբոր ձերբակալության մասին
Միացյալ Նահանգները ցանկանում է անել ամեն ինչ ԼՂ հակամարտության լուծմանն աջակցելու համար. Փրայս
Քաղաքականություն
10.03.2023 | 10:35
Հայաստանի և Ադրբեջանի միջև խաղաղություն հաստատելու ջանքերը միշտ են եղել և մնում են հրատապ Միացյալ Նահանգների համար։ Այս մասին ասել է ԱՄՆ Պետդեպարտամենտի խոսնակ Նեդ Փրայսն իր հերթական ճեպազրույցի ժամանակ։
«ԼՂ-ի հետ կապված միշտ հրատապություն եղել է։ Հրատապություն է եղել, քանի որ սա փխրուն իրավիճակ է՝ իրավիճակ, որը չափազանց հակված է բռնության վերաճելու, ինչպես մենք տեսանք վերջին օրերին Լեռնային Ղարաբաղի տարածաշրջանում։ Սա երկարատև հակամարտություն է, Միացյալ Նահանգները ցանկանում է անել ամեն ինչ՝ աջակցելու դրա լուծմանը:
Մենք կշարունակենք դա անել՝ երկկողմանի աշխատելով այս երկրների հետ, նաև՝ Հայաստանի և Ադրբեջանի հետ եռակողմ ձևաչափով, աջակցելով երկխոսության և դիվանագիտության նրանց ջանքերին, բայց նաև բոլոր համապատասխան մեխանիզմների միջոցով՝ օգնելու այդ երկրների սեփական դիվանագիտական ջանքերին և համաձայնության հասնելու ճանապարհին։ Հուսով ենք, որ դա մեզ կհաջողվի»,-ասել է ԱՄՆ պետքարտուղարության խոսնակը։
Տաթև Ֆռանգյան
