16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
ԱՄՆ հետախուզությունը՝ Բաքվի հնարավոր հարձակումների մասին․ Արցախի նախագահը 3 նախարարի է ազատել․ Լուրեր
09.03.2023 | 18:47
- Արցախի նախագահի Արայիկ Հարությունյանի այսօրվա հրամանագրերով՝ Հրանտ Սաֆարյանն ազատվել է Արցախի գյուղատնտեսության նախարարի պաշտոնից: Այդ պաշտոնին նշանակվել է Գեորգի Հայրիյանը: Արմեն Մանգասարյանն ազատվել է Արցախի սոցիալական զարգացման և միգրացիայի նախարարի պաշտոնից։ Այս պաշտոնին նշանակվել է Վահրամ Առաքելյանը: Արամ Սարգսյանն ազատվել է Արցախի քաղաքաշինության նախարարի պաշտոնից: Նախարարի պարտականությունների կատարումը ժամանակավորապես վերապահվել է նախարարի տեղակալ Ազատ Համբարձումյանին: Հեռացված երեք նախարարներն էլ այդ պաշտոններին նշանակվել էին Արցախի նախկին պետնախարար Ռուբեն Վարդանյանի պաշտոնավարման ընթացքում։
- Ադրբեջանը պատրաստ է ռազմական ճնշում գործադրել՝ Հայաստանի հետ բանակցություններում իր նպատակներն առաջ տանելու համար։ Այս մասին նշվել է ԱՄՆ հետախուզական համայնքի հերթական տարեկան զեկույցով, որ ներկայացվել է Կոնգրեսին։ Նշվում է, որ սահմանի երկայնքով ռազմական ուժերի շարունակական ներկայությունը բարձրացնում է Հայաստանի և Ադրբեջանի միջև զինված առճակատման վտանգը, թեև նման առճակատումները, հավանաբար, կլինեն սահմանափակ տևողությամբ և ինտենսիվությամբ։ Զեկույցում վերահաստատվում է, որ 2022 թվականի սեպտեմբերին ադրբեջանական ուժերը համակարգված հարձակում են սկսել ՀՀ սահմանի երկայնքով՝ գրավելով հայկական որոշ տարածքներ։
- Հարավային Կովկասի և Վրաստանում ճգնաժամի հարցերով ԵՄ հատուկ ներկայացուցիչ Տոյվո Կլաարը հայտարարել է, թե անհանգստացած է վերջին մահացու բախումների և կրակոցների մասին նոր հաղորդումներով: Ըստ Կլաարի՝ բռնությանն արդարացում չկա, բոլոր հարցերը պետք է լուծվեն միայն բանակցությունների միջոցով, և ժամանակն է միասին աշխատելու դիմացկուն, արդար խաղաղության համար։
Այս ժամի լուրերը՝ տեսանյութում։
