08.06.2026 | 03:19
Հետընտրական զարգացումները բացառում եմ, ոչ մի պրոցես չի լինի. Փաշինյան․ ՏԵՍԱՆՅՈՒԹ
Հայաստան մտնող գազատարի մասնակի խցափակումը բացված չէ․ վերականգնման աշխատանքները կսկսվեն մայիսից
Տնտեսություն
09.03.2023 | 18:13
«Հյուսիսային Կովկաս-Անդրկովկաս» տարանցիկ մայրուղային գազատարի մասնակի խցափակումը բացված չէ: Factor․am-ի հարցմանն ի պատասխան հայտնում են «Գազպրոմ Արմենիա» ՓԲԸ-ից։ Գազատարի վերականգնման աշխատանքերը «Գազպրոմ տրանսգազ Ստավրոպոլ» ՍՊԸ-ի կողմից նախատեսվում են իրականացնել մայիս ամսվա ընթացքում:
Հիշեցնենք, որ փետրվարի 14-ին «Հյուսիսային Կովկաս-Անդրկովկաս» տարանցիկ մայրուղային գազատարը ՌԴ Ստավրոպոլի տարածաշրջանում խցափակվել էր, որի հետևանքով նվազել էին Հայաստան ներկրվող բնական գազի օրական ծավալները։ Դրա հետևանքով մի քանի օրով ընդհատվել էր մի շարք ԱԳԼՃԿ-ների գազամատակարարումը։
«Գազպրոմ Արմենիա» ՓԲԸ-ից նաև տեղեկացնում են, որ չնայած մասնակի խցափակմանը, այս պահին ՌԴ-ից Հայաստան ներկրվող բնական գազի ծավալներն ամբողջովին ապահովում են ՀՀ գազասպառողների պահանջարկը:
Անի Թամրազյան
