27.10.2026 | 00:08
Վարդան Մինասյանն աշխատանքի է անցել Լիբանանում
Փաշինյանը՝ Ալիևի հետ պայմանավորվածի, Ավանեսյանը՝ կարմրուկի դեպքերի մասին․ Լուրեր
09.03.2023 | 14:15
- Մոտ երեք ամիս Լաչինի միջանցքի Ադրբեջանի կողմից փակ լինելու պայմաններում իրադրության նոր սրում կա Լեռնային Ղարաբաղում։ Այս մասին հայտարարել է վարչապետ Նիկոլ Փաշինյանը։ Նա ահաբեկչություն է անվանել Արցախում Ադրբեջանի դիվերսանտների հարձակումը, երեք ոստիկանների սպանությունը և մեկի վիրավորումը։
- Փաշինյանը նաև նոր մանրամասներ է հայտնել Ադրբեջանի ղեկավար Իլհամ Ալիևի հետ վերջին հանդիպումից ու ասել է, որ Ալիևը Մյունխենում ընդունել էր, որ գոյություն ունի միջազգային պայմանավորվածություն, համաձայն որի՝ իրենք պետք է Լեռնային Ղարաբաղի հայության ներկայացուցիչների հետ քննարկեն վերջիններիս իրավունքների և անվտանգության հարցը: Ադրբեջանի նախագահը սակայն ընդգծել էր, թե այդ քննարկումներն իրենք պատրաստվում են ունենալ Լեռնային Ղարաբաղում ծնված և ապրած մարդկանց հետ:
- Պաշտպանության նախարարությունից հայտնել են, որ զորամասերից մեկում հայտնաբերվել է մահացած զինծառայող Անդրանիկ Օհանյանի դին։ Դեպքի հանգամանքները լիարժեք պարզելու համար տարվում է քննություն:
- ՀՀ առողջապահության նախարար Անահիտ Ավանեսյանը հայտնել է, որ կարմրուկով վարակվածների թվի աճ է գրանցվել, բայց այս պահին իրավիակը լոկալ բռնկման շրջանակից դուրս չի եկել։ Շաբաթվա վերջին, ըստ Ավանեսյանի, միտման վերաբերյալ կլինի ավելի հստակ պատկերացում։
Այս ժամի լուրերը՝ տեսանյութում։
