27.04.2026 | 22:58
Պուտինը «Ռոսսոտրուդնիչեստվո»-ի ղեկավար է նշանակել ՌԴ նախկին գլխավոր դատախազի որդուն՝ Իգոր Չայկային
Արցախցի ոստիկաններից մեկի մարմնին 20-ից ավելի հրազենային վնասվածք է եղել
Հասարակություն
07.03.2023 | 11:15
Արցախում` ադրբեջանական դիվերսանտների կողմից սպանված ոստիկաններից մեկի դիակի վրա 20-ից ավելի հրազենային վնասվածք է եղել։ Այս մասին Առաջին ալիքին տված հարցազրույցում ասել է Արցախի պետական նախարար Գուրգեն Ներսիսյանը։
«Այս վայրագության նպատակն այն է, որպեսզի ցույց տան, որ այսպիսի ճանապարհով ուզում են վախեցնել» -, ասել է պետնախարարն ու միջադեպը որակել ահաբեկչություն։
Հիշեցնենք` մարտի 5-ին ադրբեջանական կողմը Ստեփանակերտից Լիսագոր ընկած ճանապարհահատվածում դիվերսիա է իրականացրել` սպանելով Արցախի ոստիկանության երեք ծառայողի։ Նշենք, որ ոստիկանները եղել են անձնագրային և վիզաների վարչության անձնակազմից և իրականացնում էին հերթափոխ։ Մեկ ոստիկան էլ մարմնական վնասվածքներով գտնվում է Արցախի հանրապետական բժշկական կենտրոնում։
