20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
Ադամ Շիֆը Վաշինգտոնին կոչ է արել օգտագործել բոլոր դիվանագիտական ուղիները՝ Արցախի անվտանգությունն ու ինքնիշխանությունը հարգելու համար
Քաղաքականություն
07.03.2023 | 10:37
Ադրբեջանական զինուժի հարձակումը, որի հետևանքով զոհվել է արցախցի 3 ոստիկան, դիտավորյալ սպանության ևս մեկ գործողություն է. ֆեյսբուքի իր էջում արված գրառմամբ հայտարարել է ԱՄՆ կոնգրեսական Ադամ Շիֆը:
«Արցախցի ոստիկանների սպանությունից հետո է՛լ ավելի մեծ անհրաժեշտություն է առաջանում պատժամիջոցներ սահմանել Ադրբեջանի դեմ նրանց կողմից մարդու իրավունքների և Արցախի ժողովրդի ինքնորոշման իրավունքի խախտման համար։ Այս վերջին բռնությունը տեղի է ունենում Լաչինի միջանցքի շրջափակման հետևանքով առաջացած շարունակվող հումանիտար ճգնաժամի ժամանակ, որի հետևանքով 120,000 մարդ հայտնվել է ծանր վիճակում: ԱՄՆ-ը պետք է դատապարտի Ադրբեջանի հարձակումները Արցախի վրա և պատասխանատվության ենթարկի Ալիևի ռեժիմին։ Կոչ եմ անում ԱՄՆ Պետդեպարտամենտին և Բայդենի վարչակազմին օգտագործել բոլոր դիվանագիտական ուղիները՝ տարածաշրջանում աճող անկայունությունը լուծելու և Արցախի անվտանգությունն ու ինքնիշխանությունը հարգելու համար»։
Հիշեցնենք, որ մարտի 5-ին Ադրբեջանի զինված ուժերի դիվերսիոն խմբերն Արցախում կրակ են բացել հերթափոխի մեկնող ոստիկանության ավտոմեքենայի վրա, ինչի հետևանքով Արցախի ոստիկանության երեք ծառայող զոհվել է, ևս մեկը՝ վիրավորվել:
