18.05.2026 | 13:05
«Սարդարապատը» դարձել է Հայաստանի Առաջին խմբի չեմպիոն․ ՏԵՍԱՆՅՈՒԹ
Բաքուն Արցախին սպառնացել է «ավելի կոշտ» քայլերով․ Փաշինյանն այցելել է Մեծամորի ատոմակայան․ Լուրեր
06.03.2023 | 19:21
- Ադրբեջանը սպառնացել է Արցախին։ Այս մասին այսօր հայտնել է Արցախի նախագահը՝ ներկայացնելով Ադրբեջանի ներկայացուցիչների հետ նախորդ երկու հանդիպումները։ Հարությունյանն ասել է, որ Բաքուն իր խողովակներով Արցախի իշխանություններին փոխանցել է, որ կամ ընդունում են ինտեգրացիոն քաղաքականությունը, կամ առկա խնդիրներին որևէ լուծում չի լինելու, հակառակը՝ լինելու են ավելի կոշտ և կտրուկ քայլեր: Անդրադառնալով մարտի 5-ին ադրբեջանական դիվերսիոն գործողության հետևանքով Արցախի ոստիկանության ծառայողների զոհվելու ողբերգական դեպքին՝ Հարությունյանը նշել է, որ առաջիկայում նման սադրանքները, ցավոք, բացառված չեն, և պետք է դա գիտակցել և կանխարգելիչ քայլեր ձեռնարկել։
- Պաշտպանության նախարար Սուրեն Պապիկյանը և բարձր տեխնոլոգիական արդյունաբերության նախարար Ռոբերտ Խաչատրյանը ՊՆ վարչական համալիրում հանդիպել են հայրենական ռազմարդյունաբերական առաջատար ձեռնարկությունների ներկայացուցիչների հետ։ Հանդիպումից մանրամասներ չեն հաղորդվել։
- Վարչապետ Նիկոլ Փաշինյանն այցելել է «Հայկական ատոմային էլեկտրակայան» ՓԲԸ՝ կառույցի 2022թ. գործունեության հաշվետվությանը ծանոթանալու նպատակով։ Նշվել է, որ նախապատրաստական աշխատանքներ են տարվել, և ակնկալվում է, որ Հայկական ԱԷԿ-ի 2-րդ էներգաբլոկը հնարավոր կլինի անվտանգ շահագործել մինչև 2036 թվականը։
Այս ժամի լուրերը՝ տեսանյութում։
