Լաչինի միջանցքը պետք է բացվի տեղաշարժի համար, իսկ Վաշինգտոնը կշարունակի աջակցել Բաքվին ու Երևանին երկխոսության և նոր հանդիպման հարցում․ Լուիս Բոնոն՝ Բաքվում

Լուրեր

29.03.2024 | 18:39
Բաքուն հիասթափված է ԱՄՆ հայտարարություններից ու գործողություններից. Հաջիև
29.03.2024 | 18:30
A-politic Արայիկ Մանուչարյանի հետ․ ԱՆՈՆՍ
29.03.2024 | 18:20
Ռումինիայում ԱԹՍ-ի բեկորներ են հայտնաբերվել Ուկրաինայի սահմանի մոտ գտնվող ֆերմայում
29.03.2024 | 18:09
ԿԻն զինծառայողների իրավունքների պաշտպանության երաշխավորումն ապահավող օրենսդրական փոփոխությունների վերաբերյալ ՀՔԱՎ-ը առաջարկներ է ներկայացրել
29.03.2024 | 18:04
ՌԴ ԱԳՆ-ն՝ 102-րդ բազայի դուրսբերման, Բաքուն՝ Հարությունյանի հարցազրույցը չհեռարձակելու մասին․ ԼՈՒՐԵՐ
29.03.2024 | 18:00
Դատախազը պահանջում է 11 տարվա ազատազրկման դատապարտել Լևոն Երանոսյանին․ մեղադրական ճառը հրապարակվեց
29.03.2024 | 17:55
Այժմ ռեաբիլիտացիայի փուլում եմ. արդարացված դատավոր․ Բորիս Բախշիյան․ ՏԵՍԱՆՅՈՒԹ
29.03.2024 | 17:49
Բռնել են տաջիկներին ու մահակներով ծեծել․ ՌԴ-ում Կենտրոնական Ասիայից միգրանտները պատմում են փողոցներում ձերբակալությունների և ստուգումների մասին
29.03.2024 | 17:40
Բոլոր տեղերում էլ կան. Չիչոյանը` «հուդաների և գործ տվողների» մասին հարցին ի պատասխան․ ՏԵՍԱՆՅՈՒԹ
29.03.2024 | 17:30
Կուրսանտի դաժան սպանությունից 9 տարի անց․ տուժող կողմը պահանջում է ցմահ, պաշտպանական կողմը՝ արդարացման դատավճիռ․ ՏԵՍԱՆՅՈՒԹ
29.03.2024 | 17:23
Հաջիևը հայտարարել է, թե «Հայաստանի հետ խաղաղությունը մոտ է ավելի, քան երբևէ»
29.03.2024 | 17:21
Ուզում էի եկամտահարկով տուն գնել Ծաղկաձորում. դատավոր Հարությունյանը` իր Կոտայք տեղափոխվելու մասին․ ՏԵՍԱՆՅՈՒԹ
29.03.2024 | 17:15
Էրդողանի՝ մայիսի 9-ին ԱՄՆ նախատեսված այցը հաստատվում է
29.03.2024 | 17:09
Մխիթար Պապոյանը չի բացառում, որ կառաջադրվի որպես ԲԴԽ անդամի թեկնածու․ ՏԵՍԱՆՅՈՒԹ
29.03.2024 | 17:03
Ժաննա Անդրեասյանը պարգևատրել է «Սալոմե»-ն վերականգնող վարպետներին
Բոլորը

ԱՄՆ-ը պատրաստ է շարունակել աջակցել Հայաստանին և Ադրբեջանին խաղաղության պայմանագրի կնքման հարցում։ Այս մասին Բաքվում լրագրողների հետ ճեպազրույցում հայտարարել է ԱՄՆ պետքարտուղարի Կովկասյան բանակցությունների գծով ավագ խորհրդական, ԵԱՀԿ Մինսկի խմբի համանախագահ Լուիս Բոնոն։

«Մի քանի շաբաթ առաջ ես ուղեկցում էի պետքարտուղար Բլինքենին Մյունխեն կատարած այցի ժամանակ, որտեղ նա հանդիպում է ունեցել նախագահ Ալիևի և վարչապետ Փաշինյանի հետ։ Հանդիպումը կառուցողական էր, և այս կարծիքը կիսեցին հանդիպման բոլոր մասնակիցները։ Դրանից հետո պետքարտուղարն ինձ խնդրեց հնարավորինս շուտ այցելել տարածաշրջան՝ շարունակելու խաղաղ գործընթացը։ Դրա համար ես հիմա այստեղ եմ»,- ասել է Բոնոն։

Նա նշել է, որ ԱՄՆ-ը հանդես է գալիս միջնորդ, ոչ թե հաշտարար՝ պատասխանելով հարցին, թե ի՞նչ կարող է անել Միացյալ Նահանգները խաղաղ գործընթացը պահպանելու համար, երբ Բաքվի և Երևանի ներկայացուցիչների հանդիպումներից և պայմանավորվածություններից հետո սադրանքներ և հրադադարի խախտումներ են լինում։

«Որպեսզի խաղաղության գործընթացը կայուն լինի, դա պետք է ցանկանան իրենք՝ կողմերը, այն պետք է բխի հենց կողմերից, և ոչ թե ԱՄՆ-ից կամ որևէ մեկից: Մեր խնդիրն է՝ ստիպել կողմերին խոսել միմյանց հետ, առաջարկներ ներկայացնել և փոխանակել դրանք»,- ասել է ԱՄՆ պետքարտուղարի խորհրդականը։

Նա դժվարացել է պատասխանել հարցին, թե ե՞րբ կարող է տեղի ունենալ Ադրբեջանի և Հայաստանի ներկայացուցիչների հանդիպումը Բրյուսելում՝ առաջարկելով այս հարցն ուղղել Եվրամիության ներկայացուցիչներին։

Խոսելով Մինսկի խմբի գործունեության ու այդ առթիվ ՌԴ-ի և Ադրբեջանի հայտարարությունների մասին՝ Բոնոն նշել է․ «Ես գիտեմ նախագահ Ալիևի կարծիքը Մինսկի խմբի մասին։ Իմ կարծիքն այն է, որ կողմերը պետք է միասին նստեն, և կապ չունի՝ դա Մինսկի խմբի կազմո՞ւմ է, թե՞ մեկ այլ տեղ։ Ցավոք, ներկայում Մինսկի խմբի անդամներից մեկը չի մասնակցում դրա աշխատանքներին»։

Խոսելով Լաչինի միջանցքում ստեղծված իրավիճակի և Ադրբեջանի կողմից դրա փակման մասին՝ Բոնոն հիշեցրել է պետքարտուղար Բլինքենի խոսքերը Մյունխենում, որ միջանցքը պետք է բացվի։

«Մենք ընդունում ենք, որ կա անվտանգության հարց, սակայն հարկավոր է, որ անհրաժեշտ բոլոր ապրանքներն ու քաղաքացիական բեռները տեղաշարժվեն ու հասանելի լինեն Ղարաբաղի բնակչությանը։ Մեր նպատակն ու խնդիրն է՝ վերջ տալ ադրբեջանցիների և հայերի տառապանքներին, որպեսզի այդ ժողովուրդները կարողանան խաղաղ գոյակցել»,- ասել է ամերիկացի դիվանագետը։

Նա նաև հայտնել է, որ վաղն արդեն այցելելու է Երևան։

«Իմ այցի նպատակը կողմերին երկխոսության և նոր հանդիպման խրախուսելն է»,- ասել է Բոնոն։

Հավելենք, որ Լուիս Բոնոն այսօր ավելի վաղ հանդիպել է Ադրբեջանի նախագահ Իլհամ Ալիևին։

Էմմա Չոբանյան