09.09.2026 | 16:01
Վահե Ղալումյանը՝ ԱԺ տարածքային կառավարման և շրջակա միջավայրի պահպանության հարցերի մշտական հանձնաժողովի փոխնախագահ
ՀՀ-ն կողմ է, որ Հնդկաստանը ՄԱԿ ԱԽ մշտական անդամ դառնա․ շուռնուխցիները դեռ օգնություն կստանան․ Լուրեր
02.03.2023 | 19:30
- Հայաստանը սատարում է Հնդկաստանին ՄԱԿ-ի Անվտանգության խորհրդում մշտական անդամություն ստանալու հարցում: Այս մասին Նյու Դելիում հայտարարել է ՀՀ ԱԺ նախագահի տեղակալ Հակոբ Արշակյանը։ Նա նաև բարձր է գնահատել Հնդկաստանի ԱԳՆ հայտարարությունը, որ ադրբեջանական զինված ուժերը պետք է դուրս բերվեն Հայաստանի ինքնիշխան տարածքից, և հնդկական կողմի հնչեցրած դատապարտումը՝ կապված անցյալ տարվա սեպտեմբերին Ադրբեջանի կողմից Հայաստանի դեմ սանձազերծված ագրեսիայի եւ դեկտեմբերից Լաչինի միջանցքի շրջափակման հետ:
- ՄԱԿ-ի անվտանգության խորհրդի մշտական անդամների կազմն ընդլայնելու առաջարկ այսօր արել է նաև Ադրբեջանի ղեկավար Իլյամ Ալիևը։ Նա նշել է, որ խորհրդում պետք է ներկայացված լինի նաև Չմիավորվող պետությունների խումբը՝ ռոտացիոն կարգով։ Մինչ այդ Ադրբեջանի դաշնակից Թուրքիան էլ պահանջում է իրեն տեղ հատկացնել ՄԱԿ-ի ԱԽ մշտական անդամների թվում։
- Հայաստանի կառավարության որոշմամբ Ադրբեջանի վերահսկողության տակ անցնելու պատճառով Սյունիքի մարզի Շուռնուխ և Որոտան բնակավայրերում հաշվառված կամ այդ հասցեում փաստացի բնակված, ՀՀ բնակության այլ վայրի հասցեում հաշվառված բնակելի անշարժ գույքը կորցրած քաղաքացիներին օգնության տրամադրումը երկարաձգվել է մինչև այս տարվա հուլիս ամիսը՝ ներառյալ:
Այս ժամի լուրերը՝ տեսանյութում։
