18.04.2024 | 23:30
Էրդողանը կարող է լքել իշխող կուսակցության ղեկավարի պաշտոնը
Հունաստանում մարդատար և բեռնատար գնացքներ են բախվել
Քաղաքականություն
01.03.2023 | 12:06
Հունաստանում մարդատար և բեռնատար գնացքի բախման հետևանքով առնվազն 32 մարդ է զոհվել, 85-ը՝ վիրավորվել։ Բախումը տեղի է ունեցել երեքշաբթի երեկոյան Լարիսա քաղաքի մոտ, փոխանցում է BBC-ի ռուսական ծառայությունը։
Մարդատար գնացքը շարժվել է Աթենքից Սալոնիկ ուղղությամբ, իսկ բեռնատար գնացքն առայժմ անհայտ պատճառով հայտնվել է հանդիպակաց նույն գծերի վրա։ Մարդատար գնացքը դուրս է եկել ռելսերից, դրանցից 1-ը հրդեհվել է, վագոններում ընդհանուր առմամվ եղել է 350 ուղևոր։
«Բախումը շատ ուժգին է եղել»,- լրագրողներին պատմել է Թեսալիայի շրջանի նահանգապետ Կոնստանտինոս Ագորաստոսը։ Նրա խոսքով՝ մարդատար գնացքի առաջին չորս վագոնները դուրս են եկել ռելսերից, իսկ առաջին և երկրորդ վագոնները մետաղի ջարդոնի են վերածվել։ Վիրավորներին տեղափոխել են մոտակա հիվանդանոցներ։
Տաթև Ֆռանգյան
