14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
ՌԴ-ն դենոնսացիայի է ենթարկել կոնվենցիաները․ որքանո՞վ է ճիշտ ստորագրենք համաձայնագիրը․ Վիլեն Գաբրիելյան․ ՏԵՍԱՆՅՈՒԹ
Քաղաքականություն
27.02.2023 | 13:25
Ընթանում է ԱԺ պաշտպանության և անվտանգության հարցերի մշտական հանձնաժողովի նիստում քննարկվում է ««ՀՀ կառավարության և ՌԴ կառավարության միջև տեղեկատվական անվտանգության ապահովման բնագավառում համագործակցության մասին» համաձայնագիրը վավերացնելու մասին» օրենքի նախագիծը: Այն ներկայացրեց ՀՀ բարձր տեխնոլոգիական արդյունաբերության նախարարի տեղակալ Գևորգ Մանթաշյանը։
Համաձայնագրի կիրարկմամբ նախատեսվում է նպաստել տեղեկատվական անվտանգության ապահովման ոլորտում Հայաստանի Հանրապետության և Ռուսաստանի Դաշնության միջև փոխգործակցության ընդլայնմանը, ներառյալ` սպառնալիքների վերաբերյալ տեղեկատվության փոխանակման և դրանց համատեղ դիմակայման, օրենսդրական դաշտի վերաբերյալ տեղեկատվության փոխանակման ուղղությունները:
«Քաղաքացիական պայմանագիր» խմբակցության պատգամավոր Վիլեն Գաբրիելյանը ՀՀ բարձր տեխնոլոգիական արդյունաբերության նախարարի հետաքրքրվեց․ «Փետրվարի 16-ին ՌԴ պետդումայում ընդունվել է օրենք, որը ԵԽ կանոնադրության և 21 միջազգային կոնվենցիաների դենոնսացիայի մասին է։ Ստացվում է, որ մենք հիմա պետք է հաստատենք մի համաձայնագիր, որը կարգավորվում է նաև միջազգային կոնվենցիաներով, բայց կողմերից մեկը՝ ՌԴ-ն, փաստացի դենոնսացիայի է ենթարկել տվյալ կոնվենցիաները։ Տրամաբանակա՞ն, է, որ մենք կողմ լինենք, իսկ ՌԴ-ն՝ դեմ»։
«Սա զուտ երկու երկրների միջեւ տեղեկատվական անվտանգության ապահովման մասին է և կապ չունի ձեր նշածի հետ։ Երկու երկրների անվտանգության խորհուրդները համաձայն են, ընթացակարգերը պահպանված են»,-պատասխանեց Մանթաշյանը։
Մանրամասները՝ տեսանյութում։
