16.08.2026 | 15:48
Համաշխարհային օվկիանոսի ջերմաստիճանը հասել է 2026 թվականի սկբից առավելագույն արժեքին․ Լևոն Ազիզյան
ԵՄ-ն ի գիտություն է ընդունում Արդարադատության միջազգային դատարանի որոշումը
Քաղաքականություն
24.02.2023 | 12:42
Եվրամիությունն ի գիտություն է ընդունում Արդարադատության միջազգային դատարանի (ICJ) կողմից արձակված պարտադիր որոշումը, որում նշվում է, որ Ադրբեջանը պետք է ձեռնարկի իր տրամադրության տակ եղած բոլոր միջոցները՝ ապահովելու մարդկանց, տրանսպորտային միջոցների և բեռների անարգել տեղաշարժը Լաչինի միջանցքով՝ երկու ուղղություններով։ Այս մասին ասված է ԵՄ պաշտոնական կայքում տարածված հաղորդագրության մեջ։
ԵՄ-ն շարունակում է անհանգստություն հայտնել Լաչինի միջանցքում շարունակվող խոչընդոտների և դրա հետևանքով տեղի քաղաքացիական բնակչության համար առաջացած մարդասիրական հետևանքների կապակցությամբ: Միջանցքի օգտագործման վերաբերյալ բոլոր մտահոգությունները կարող են և պետք է լուծվեն բացառապես երկխոսության միջոցով։
ԵՄ-ն կրկնում է իր կոչը Ադրբեջանի իշխանություններին և բոլոր պատասխանատուներին՝ երաշխավորել Լաչինի միջանցքով տեղաշարժի ազատությունն ու անվտանգությունը՝ 2020 թվականի նոյեմբերի 9-ի եռակողմ հայտարարությամբ ստանձնած պարտավորություններին համապատասխան: Հայտարարությունում նաև շեշտվում է, որ անհրաժեշտ է ապահովել տուժած բնակչությանը գազի, էլեկտրաէներգիայի և այլ կենսական անհրաժեշտության ծառայությունների անխափան մատակարարումը։
ԵՄ-ն շարունակում է ներգրավված լինել, այդ թվում՝ ամենաբարձր մակարդակով, Հարավային Կովկասում խաղաղության և անվտանգության ամրապնդմանն ուղղված ջանքերում:
Տաթև Ֆռանգյան
