01.06.2026 | 19:48
Արթուրը խրամատում է կռվել. Փաշինյանը նրան նստեցրեց բանավեճում տանուլ տալու համար․ Օսիպյանի աջակից. ՏԵՍԱՆՅՈՒԹ
ԼՂ իշխանությունները պետք է Ռուբեն Վարդանյանին ճանապարհեն մայր Ռուսաստան. ՔՊ-ական պատգամավոր․ ՏԵՍԱՆՅՈՒԹ
Քաղաքականություն
22.02.2023 | 17:18
ԱԺ «Քաղաքացիական պայմանագիր» խմբակցության պատգամավոր Գագիկ Մելքոնյանը Factor.am-ի հետ զրույցում անդրադառնալով դիտարկմանը՝ Ալիևը պահանջում է, որ պետնախարար Ռուբեն Վարդանյանը հեռանա Արցախից, և հարցին՝ ի՞նչ խոչընդոտ է Ռուբեն Վարդանյանը, որ նրա դեմ այդպես ընդվզում են, նշեց․ «Բոլորս էլ գիտենք, որ Ռուբեն Վարդանյանը Ռուսաստանի ներկայացուցիչն է Արցախում, դա լավ գիտեն և՛ ադրբեջանցիները, և՛ Ռուսաստանը։
Ալիևը հիմա ուզում է Արևմուտքին ցույց տալ, որ ինքը չի ուզում Ռուսաստանի նշանակած մարդու հետ բանակցություններ վարի։
Ադրբեջանցիները խփելու են Ռուսաստանին թիկունքից։ Նրանք երբեք ՌԴ-ի հետ միութենական կազմ չեն մտնի, նրանց դաշնակից դառնալն էլ է սուտ․․․ Իրենք քաղաքականությունը տանում է նրան, որ իրենք Ռուսաստանից ավելի շուտ են ուզում ազատվել, քան մենք․․․
ԼՂ իշխանությունները պետք է միասնական լինեն, և եթե Ռուբեն Վարդանյանն է խանգարում, ապա նրան պետք է ճանապարհեն դեպի մայր Ռուսաստան և իրենք ղեկավարեն իրենց երկիրն ու պատասխանատվությունը չգցեն ՀՀ իշխանությունների վրա»։
Հիշեցնենք, որ անցած շաբաթ օրը Մյունխենում տեղի ունեցած համաժողովին, որին մասնակցում էր նաև Հայաստանի վարչապետը, Ադրբեջանի նախագահը նախապայման դրեց՝ Ղարաբաղում ապրող հայ բնակչության հետ պատրաստ են քննարկել նրանց անվտանգության և իրավունքների հարցերը, բայց այն ժամանակ, երբ Ռուբեն Վարդանյանը հեռանա Արցախից։
Մանրամասները՝ տեսանյութում։
