16.01.2026 | 18:11
Բոլոր գերիների վերադարձը ժամանակի հարց է՝ ըստ Ալեն Սիմոնյանի // ՊԵԿ պաշտոնյաներ են կալանավորվել․ ԼՈՒՐԵՐ
ՌԴ ԱԳ փոխնախարարը Տոյվո Կլաարին բողոքել է Հայաստանում ԵՄ առաքելության տեղակայումից
Քաղաքականություն
22.02.2023 | 11:21
ՌԴ ԱԳ փոխնախարար Միխայիլ Գալուզինը նախօրեին հեռախոսազրույց է ունեցել անվտանգության և կայունության հարցերով ժնևյան միջազգային քննարկումների համանախագահ, Հարավային Կովկասի և Վրաստանում ճգնաժամի հարցերով ԵՄ հատուկ ներկայացուցիչ Տոյվո Կլաարի հետ։ ՌԴ ԱԳՆ-ն հաղորդում է, որ զրույցը տեղի է ունեցել եվրոպական կողմի նախաձեռնությամբ։
Նշվում է, որ ռուսական կողմը ևս մեկ անգամ ուշադրություն է հրավիրել Ժնևի միջազգային քննարկումների հերթական փուլերի չեղարկումների հակաարդյունավետության վրա։ Հաստատվել է ռուսական կողմի դիրքորոշումը Ժնևի միջազգային քննարկումների շարունակման հարցում՝ շեշտը դնելով Աբխազիայի ևՀարավային Օսիայի անվտանգության ապահովման վրա։
Բացի այդ, կողմերը քննարկել են հայ-ադրբեջանական հարաբերությունների կարգավորման թեման։
Գալուզինը բողոքել է, որ «Բրյուսելի որոշումը՝ Հայաստանում տեղակայել ԵՄ քաղաքացիական առաքելությունը, ունի հստակ աշխարհաքաղաքական ֆոն, որը չի նպաստում Հարավային Կովկասում իրական կայունացմանը»։ Ընդգծվել է, որ տվյալ նախաձեռնության շուրջ Բաքվի և Երևանի միջև կոնսենսուս չկա։
Էմմա Չոբանյան
