07.12.2025 | 10:38
Հարգանքի տուրք՝ 1988-ի դեկտեմբերի 7-ի երկրաշարժի զոհերի հիշատակին
Գլխավոր դատախազի տեղակալ Մանասյանը ԵԽ գործընկերների հետ քննարկել է համագործակցության զարգացման հեռանկարները
Հասարակություն
21.02.2023 | 13:18
Գլխավոր դատախազի տեղակալ Անահիտ Մանասյանը փետրվարի 20-ին ընդունել է ԵԽ համագործակցության ծրագրերի բաժնի փոխտնօրեն Լիլիթ Դանեղյանին, ծրագրի համակարգողներ Սոֆիո Ծակաձեին և Բոժենա Մալանչուկին, ԵԽ «Աջակցություն դատական բարեփոխումների իրականացմանը` Հայաստանում դատական իշխանության անկախության և արհեստավարժության ամրապնդումը» ծրագրի ղեկավար Թամարա Բարբակաձեին և ծրագրի պատասխանատու Նատալյա Ադամյանին․ տեղեկացնում են ՀՀ գլխավոր դատախազությունից։
Հանդիպման ընթացքում Անահիտ Մանասյանը բարձր է գնահատել Եվրոպայի խորհրդի գործունեությունը՝ ուղղված քրեական արդարադատության ոլորտում իրականացվող բարեփոխումներին:
Գլխավոր դատախազի տեղակալը ներկայացրել է մի շարք ուղղություններով Դատախազությունում իրականացվող ծրագրերը, ինչպես նաև արդարադատության ոլորտի բարեփոխումների շրջանակում ինստիտուցիոնալ կարողությունների բարելավմանն ուղղված քայլերը:
Հանդիպմանը քննարկվել են քրեական գործերով միջազգային իրավական օգնության ոլորտին, դատախազների բարեվարքությանը, էթիկային վերաբերող մի շարք հարցեր, կարևորվել է վերաբերելի բնագավառներում եվրոպական փորձի շարունակական ներդրումը, համատեղ միջոցառումների իրականացումը:
ԵԽ ներկայացուցիչ Լիլիթ Դանեղյանը Դատախազության հետ գործակցությունը խորացնելու պատրաստակամություն է հայտնել:
Գլխավոր դատախազի տեղակալը և Եվրոպայի խորհրդի ներկայացուցիչները նախանշել են հետագա համագործակցության կոնկրետ ուղղություններ և այդ ուղղություններով համագործակցությունը զարգացնելու պայմանավորվածություն են ձեռք բերել:
