28.04.2026 | 10:05
Արտարժույթների փոխարժեքները՝ ապրիլի 28-ի դրությամբ
Բլինքենն ընդգծել է Լաչինի միջանցքով ազատ առևտրային և մասնավոր տարանցման անհրաժեշտությունը
Քաղաքականություն
19.02.2023 | 19:45
ԱՄՆ պետքարտուղար Էնթոնի Բլինքենը Մյունխենի անվտանգության համաժողովի շրջանակում Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի հետ հանդիպման ժամանակ հայտարարել է Լաչինի միջանցքով ազատ և բաց առևտրային և մասնավոր տարանցման անհրաժեշտության մասին։ Այս մասին հայտարարություն է տարածել ԱՄՆ Պետդեպարտամենտի պաշտոնական ներկայացուցիչ Նեդ Փրայսը։
«Պետքարտուղար Էնթոնի Բլինքենն այսօր Մյունխենում հանդիպել է Ադրբեջանի նախագահ Իլհամ Ալիեւի և Հայաստանի վարչապետ Նիկոլ Փաշինյանի հետ՝ Հայաստանի և Ադրբեջանի միջև երկկողմ խաղաղ բանակցություններն առաջ մղելու նպատակով: Նա ի գիտություն է ընդունել վերջին մի քանի ամիսների ընթացքում երկու կողմերի կողմից ձեռք բերված զգալի առաջընթացը խաղաղության համաձայնագրի ճանապարհին և ԵՄ նախագահ Շառլ Միշելի առաջարկը՝ կողմերին Բրյուսելում անցկացնելու վերաբերյալ: Դրանց քննարկման ընթացքում պետքարտուղարն ընդգծել է Լաչինի միջանցքով ազատ և բաց առևտրային և մասնավոր տարանցման անհրաժեշտությունը: Նա նաև կոչ է արել կողմերին բացել տրանսպորտային այլ երթուղիներ»,- ասված է հայտարարության մեջ։
