11.07.2026 | 23:11
Լինդա Նոսկովան՝ «Ուիմբլդոնի» չեմպիոն. ՏԵՍԱՆՅՈՒԹ
Մենք կշարունակենք լինել Հայաստանի կողքին. Մակրոն. ՏԵՍԱՆՅՈւԹ
Քաղաքականություն
18.02.2023 | 00:09
Ինչպես կարելի է հավատալ, որ Կովկասի մարտահրավերները կարող են հաղթահարվել «նեոգաղութատիրական» Ռուսաստանի օգնությամբ։ Այս մասին Մյունխենի անվտանգության համաժողովում իր ելույթի ժամանակ հայտարարել է Ֆրանսիայի նախագահ Էմանուել Մակրոնը։ Վերջինս նաև հայտարարել է, որ շարունակելու է մնալ Հայաստանի և վարչապետ Նիկոլ Փաշինյանի կողքին։
Ֆրանսիայի նախագահի ելույթի հիմնական մասը վերաբերում էր ռուս-ուկրաինական հակամարտությանը, սակայն Մակրոնն անդրադարձել է նաև Հարավային Կովկասում տիրող իրավիճակին։
«Մի քանի օրից Ուկրաինայի դեմ ռուսական անօրինական ագրեսիայի տարելիցն է, և թեև վերջնական եզրակացություններ չենք կարող անել, բայց կարող ենք ամփոփել այս տարին և կիսվել որոշակի հեռանկարներով:
Բնականաբար, իմ ելույթի առանցքը լինելու է Ռուսաստանի սանձազերծած պատերազմը Ուկրաինայի դեմ, բայց պետք է նշեմ, որ մենք չենք մոռանում Կովկասում, Մերձավոր Արևելքում, Աֆրիկայում շարունակվող պատերազմները, ահաբեկչության դեմ պայքարը, միջուկային անվտանգությունը և այլ հարցեր։
Այսօր մեր խնդիրն է բացատրել, հասկացնել, որ Ռուսաստանը անկայունություն և քաոս տարածող ուժ է, ինչը անում է ոչ միայն Ուկրաինայում, այլև Կովկասում, Մերձավոր Արևելքում, Աֆրիկայում։
Ինչպե՞ս կարող ենք հավատալ, որ Կովկասի մարտահրավերները կարող են հաղթահարվել քիչ առաջ նկարագրածս նեոգաղութատիրական Ռուսաստանի օգնությամբ։ Սա ասում եմ իմ ընկերոջ՝ վարչապետ Նիկոլ Փաշինյանի ներկայությամբ, ում կողքին մենք շարունակելու ենք կանգնել և գործել»,- ասել է Մակրոնը։
