04.08.2026 | 23:29
Չժաո Լեցզին շնորհավորել է Ռուբեն Ռուբինյանին ԱԺ նախագահ ընտրվելու կապակցությամբ
Միրզոյանը՝ Բաքվի կողմից նոր էսկալացիայի վտանգի մասին․ պարեկների պետն ազատվել է աշխատանքից․ Լուրեր
16.02.2023 | 20:32
- Ադրբեջանի կողմից նոր էսկալացիայի հրահրման վտանգը շարունակում է մնալ բարձր։ Այս մասին հայտարարել է ԱԳ նախարար Արարատ Միրզոյանը՝ Եվրոպայի խորհրդի Գլխավոր քարտուղարի տեղակալ Բյորն Բերգեի հետ հանդիպմանը։ Նա հիշեցրել է, որ ավելի քան երկու ամիս է, ինչ Ադրբեջանի կողմից Լաչինի միջանցքի շրջափակման հետևանքով շարունակվում է հումանիտար ճգնաժամը Լեռնային Ղարաբաղում, Ադրբեջանը շարունակում է պատանդառության մեջ պահել հայ ռազմագերիների և քաղաքացիական անձանց։
- Միրզոյանի հետ Թուրքիա մեկնած Ռուբեն Ռուբինյանը, որ Հայաստան-Թուրքիա հարաբերությունների կարգավորման հարցով Հայաստանի իշխանությունների հատուկ բանագնացն է, հարաբերությունների կարգավորման մասին ասել է, որ դա առաջին հերթին, կապահովի կայունություն և խաղաղություն տարածաշրջանում, երկրորդ՝ տնտեսական համագործակցություն, ինչպես նաև փոխգործակցություն այլ ոլորտներում։ Ռուբինյանը հայտնել է, որ բանակցությունների հաջորդ փուլի օրը դեռ նշանակված չէ։
- Ներքին գործերի նախարարության պարեկային ծառայության ղեկավար Արթուր Ումրշատյանն ազատվել է զբաղեցրած պաշտոնից։ Նախարարությունից չեն հայտնել՝ նա ինքն է ցանկացել ազատվել, թե ազատվել է վերադասի հրամանով։
Այս ժամի լուրերը՝ տեսանյութում։
