23.04.2024 | 10:48
Լիլիթ Մակունցը Ռամսֆելդի կրթական ծրագրի մասնակիցների հետ քննարկում է ունեցել
Նեդ Փրայսը՝ Հայաստանի հասցեին ՌԴ-ի վերջին սպառնալիքների մասին
Քաղաքականություն
16.02.2023 | 11:12
ԱՄՆ պետքարտուղարության խոսնակ Նեդ Փրայսը նախօրեի ճեպազրույցում անդրադարձել է Հայաստանի դեմ ՌԴ պաշտոնյաների վերջին սպառնալիքներին։ Պաշտոնյային հարց են ուղղել այն մասին, որ «ռուս պաշտոնյաները վերջերս հրապարակայնորեն հետապնդում են մի քանի երկրների, օրինակ՝ Հայաստանին, իսկ Ռուսաստանի խորհրդարանի խոսնակը զգուշացրել՝ մի գնացեք դեպի արևմտյան ինստիտուտներ»։
Փրայսը նշել, որ ՌԴ-ն փորձում է իր կամքը պարտադրել ինքնիշխան երկրների։
«Մենք տեսնում ենք, որ Ռուսաստանը փորձում է իր կամքը պարտադրել ինքնիշխան երկրներին: Մենք դա ամենալավը տեսնում ենք Ուկրաինայի վրա, որտեղ Ռուսաստանն ուղարկել է իր ուժերը՝ իրենց ողջ դաժանությամբ՝ փորձելով իր կամքը պարտադրել Ուկրաինայի ժողովրդին, հեռացնել Ուկրաինայի իշխանությունը և զրկել Ուկրաինային իր ինքնիշխանությունից, անկախությունից, ժողովրդավարությունից։ Մենք տեսել ենք, որ Ռուսաստանը, ոչ այնքան արտահայտված ձևով, նման մարտավարություն ունի տարածաշրջանի երկրների համատեքստում»-ասել է Պետդեպի խոսնակը։
Նա նշել է,որ ՄԱԿ-ի կանոնադրությունը, միջազգային իրավունքը, Մարդու իրավունքների համընդհանուր հռչակագիրը՝ բոլորը պաշտպանում են տարածքային ամբողջականության, ինքնիշխանության կամ անկախության հայեցակարգը:
Էմմա Չոբանյան
