06.10.2026 | 18:49
Ֆրանսիան միջուկային մարտագլխիկ կրելու ունակությամբ նոր հրթիռ է փորձարկել
Հայաստանն այս դժվարին ժամանակում բարեկամության ձեռք է մեկնել․ Չավուշօղլու
Քաղաքականություն
15.02.2023 | 13:56
Թուրքիայի ԱԳ նախարար Մևլութ Չավուշօղլուն ՀՀ ԱԳ նախարար Արարատ Միրզոյանի հետ մամուլի ասուլիսում հայտարարել է, որ Հայաստանը բարեկամության ձեռք է մեկնել այս դժվարին ժամանակում։
«Հայաստանը 28 հոգուց բաղկացած որոնողափրկարարական խումբ է ուղարկել մեր երկիր։ Փետրվարի 8-ից Ադըյամանում փրկել են մեր փոքրիկ աղջիկներից մեկին և դեռահասին։ Նրանք շատ են աշխատել, տեսանք, թե որքան ուրախ էին։ Մյուս կողմից, Հայաստանն ունի 100 տոննա մարդասիրական, օգնություն է ուղարկել, Հայաստանը համերաշխության ձեռք է մեկնել մեր դժվարին պահին»,-ասել է Չավուշօղլուն։
Նա նշել է, որ ՀՀ ԱԳ նախարարը հայտնել է, որ հայկական կողմը լրացուցիչ օգնություն է ուղարկել։ Բացի այդ ըստ Չավուշօղլուի՝ Հայաստանը մշտապես Թուրքիային հարցնում է լրացուցիչ կարիքների մասին։
«Հայաստանն այս դժվարին օրը բարեկամության ձեռք մեկնեց մեր ժողովրդին, ցուցաբերեց համերաշխություն ու համագործակցություն»,- ասել է Թուրքիայի ԱԳ նախարարը՝ հիշեցնելով, որ Հայաստանը մարդասիրական օգնություն է ուղարկել Թուրքիա նաև 1999-ի Գյոլչուքի երկրաշարժից հետո։
Էմմա Չոբանյան
