16.01.2026 | 16:09
Սոցփաթեթի գումարները կանխիկացնելու նոր տարբերակներ կգործեն․ ՏԵՍԱՆՅՈՒԹ
«Անուշ» ՍՊԸ-ի աշխատանքը դադարեցնելու որոշում է կայացվել
Տնտեսություն
13.02.2023 | 21:45
ՀՀ քաղաքաշինության, տեխնիկական և հրդեհային անվտանգության տեսչական մարմնի ղեկավարի հանձնարարագրի հիման վրա Տեսչական մարմնի մասնագետների կողմից հրդեհատեխնիկական հետազոտություն է իրականացվել ՀՀ, քաղաք Երևան, Վանթյան 61ա հասցեում գործող «Անուշ» տրիկոտաժի արտադրական միավորում սահմանափակ պատասխանատվությամբ ընկերությունում՝ Տեսչական մարմնի կողմից հրդեհային անվտանգության բնագավառում հայտնաբերված խախտումների վերացման համար 2022 թվականին տրված կարգադրագրի պահանջների կատարումը պարզելու նպատակով։ Այս մասին տեղեկանում ենք ՔՏՀԱ տեսչական մարմնի մամուլի ծառայությունից։
Հրդեհատեխնիկական հետազոտության արդյունքում կազմվել է համապատասխան արձանագրություն, հարուցված վարչական վարույթում առկա նյութերի ուսումնասիրմամբ պարզվել է, որ «Անուշ» տրիկոտաժի արտադրական միավորում ՍՊ ընկերությանը պատկանող շենքերը և շինությունները շահագործվում են հրդեհային անվտանգության նորմատիվ փաստաթղթերի պահանջների բազմաթիվ թերություններով և խախտումներով, որոնք անմիջականորեն և ուղղակի սպառնալիք են հրդեհների առաջացման և մարդկանց անվտանգության համար։
Հաշվի առնելով վերոնշյալ հանգամանքները՝ ՀՀ ՔՏՀԱ տեսչական մարմնի ղեկավարի կողմից կայացվել են նշված ընկերության աշխատանքներն ամբողջությամբ դադարեցնել որոշում։
