02.03.2026 | 09:32
Երևանի քաղաքապետարանի գործակարգավարական խորհրդակցությունը՝ ՈՒՂԻՂ
Սուրեն Պապիկյանը «Զառ» ուսումնական կենտրոնում զինծառայողներին հորդորել է ջանք չխնայել պատրաստության այս կարևոր շրջանը լիարժեք անցնելու համար
Հասարակություն
11.02.2023 | 19:28
Փետրվարի 11-ին ՀՀ պաշտպանության նախարար Սուրեն Պապիկյանն այցելել է ՊՆ խաղաղապահ բրիգադի «Զառ» ուսումնական կենտրոն, որտեղ ամենօրյա մարտական, ֆիզիկական պատրաստություն են անցնում «Պաշտպան հայրենյաց» ծրագրին մասնակցելու ցանկություն հայտնած ժամկետային զինծառայողները: Այս մասին տեղեկացնում են ՀՀ ՊՆ-ից։
Նախարար Պապիկյանը հետաքրքրվել է անձնակազմի մարզումների ընթացքով, զինծառայողներին հորդորել ջանք չխնայել պատրաստության այս կարևոր շրջանը լիարժեք անցնելու համար՝ առաջիկայում ատեստավորող հանձնաժողովներին պատշաճ ներկայանալու նպատակով:
Պաշտպանության նախարարը պատասխանել է նաև զինծառայողներին հուզող հարցերին:
