22.11.2024 | 23:43
Զգացում ունեմ՝ 300 հազար էլ կհավաքվի. Փաշինյանը՝ Եվրաքվեի ստորագրահավաքի մասին. ՏԵՍԱՆՅՈՒԹ
ԵԽ-ն խստորեն դատապարտել է Ադրբեջանի՝ ՀՀ վրա հարձակումը, կոչ է արել զորքերը հետ քաշել․ Եղոյան․ ՏԵՍԱՆՅՈՒԹ
Քաղաքականություն
10.02.2023 | 14:17
Եվրոպական ինտեգրման հարցերի մշտական հանձնաժողովի նախագահ Արման Եղոյանն ԱԺ այսօրվա նիստում անդրադարձավ Եվրոպական խորհրդարանի արտաքին հարաբերությունների հանձնաժողովի՝ Հայաստանի և Ադրբեջանի վերաբերյալ պատրաստած նոր զեկույցին և ներկայացրեց, թե ինչ կարևոր շեշտադրումներ են կատարվել զեկույցում։
«Զեկույցում խստորեն դատապարտվել է անցած տարի սեպտեմբերին Ադրբեջանի հարձակումը Հայաստանի վրա, կոչ է արվել անհապաղ զորքերը դուրս բերել Հայաստանի օկուպացված տարածքներից, մատնանշվել է Ադրբեջանում մարդու իրավունքների հետ կապված խայտառակ իրավիճակը և փոխկապակցվածության մեջ է դրվել Ադրբեջանի հետ տնտեսական գործակցությունը այնտեղ մարդու իրավիճակների բարելավման հետ։ Սա, կարծում եմ, ևս շատ կարևոր է։
Մյուս կողմից՝ գովասանքի են արժանացել Հայաստանում իրականացվող բարեփոխումները տարբեր ոլորտներում։ Գովասանքի է արժանացել նաև այն կամքը, որով առաջ են տարվում այդ բարեփոխումները՝ չնայած բոլոր դժվարություններին»,- նշեց Եղոյանը։
Եվրոպական ինտեգրման հարցերի մշտական հանձնաժողովի նախագահը շնորհակալություն հայտնեց բոլոր այն մարդկանց, որոնք իրենց լուման են ունեցել զեկույցի ընդունման գործում։
Մանրամասները՝ տեսանյութում։
