20.02.2026 | 23:28
ԱՄՆ-ն էլ է պահանջում, որ Ուկրաինան հանձնի ամբողջ Դոնբասը․ Զելենսկի
«Ոչ թե զոհ, այլ հաղթող»․ ցուցահանդես՝ լրագրության և կոնցեպտուալ լուսանկարչության համադրությամբ. ՏԵՍԱՆՅՈւԹ
Հասարակություն
09.02.2023 | 21:38
«Դժվարությունը հաղթահարել և ուժ գտնել կյանքը շարունակելու»․ այս սկզբունքով է առաջնորդվում 44-օրյա պատերազմի ժամանակ Շուշիից վերջինը դուրս եկած բժիշկ Տիտան Ասատրյանը։ Ասում է՝ իրեն հրամայել է ապրել այն ժամանակ, երբ ապրելու շանս չի ունեցել։
Բժիշկ Տիտանի պատմությունը ներկայացված է «Դափնե» ծրագրի շրջանակում իրականացված «Ոչ թե զոհ, այլ հաղթող» խորագրով մուլտիմեդիա ցուցադրությանը։
Ստեղծման օրվանից ի վեր «Դափնե»-ի թիմը փորձել է համադրել լրագրությունն ու կոնցեպտուալ լուսանկարչությունը: Ծրագրի հիմնադիր Մարիաննա Գրիգորյանն ասում է՝ նյութերը մշակելը և դրանցով մարդկանց հետ կիսվելն ապրեցնող գործոն են եղել։
Ծրագրի ստեղծագործական մասի ղեկավար Էմմա Գրիգորյանի խոսքով՝ «Դափնե»-ն այն վայրն է, որի պատմությունները մտածելու, ապրելու և ցանկացած դժվարությունից դուրս գալու հնարավորություն են տալիս։
Երբ իրավապաշտպանները սկսում են խոցելի խմբերի օգնել, հասարակության մեջ բավականին մեծ կարծրատիպեր են կոտրվում՝ կարծում է իրավապաշտպան Զառա Հովհաննիսյանը։ Նրա խոսքով՝ մեծ խմբերի կողմից շատ մարդիկ թիրախավորվում և լքված են լինում, և հասարակությունը սկսում է չարությամբ ու ատելությամբ լցվել իրենց դժվարությունների մասին պատմող մարդկանց նկատմամբ։
«Դափնե» ծրագրի «Ոչ թե զոհ, այլ հաղթող» խորագրով մուլտիմեդիա ցուցահանդեսի բացմանը ներկա էին լրագրության և լուսանկարչության ոլորտի տարբեր մասնագետներ։ ՀՀ-ում ԵՄ դեսպան Անդրեա Վիկտորինն իր հերթին ողջունեց նախաձեռնությունը։
Երևանի պետական համալսարանի 7-րդ մասնաշենքում անցկացվող ցուցահանդեսի այցելուները մինչև փետրվարի 10-ը կարող են ծանոթանալ ցավը հաջողության վերածած մարդկանց պատմություններին։ Մուտքն ազատ է։
Մանրամասները՝ տեսանյութում։
Անի Թամրազյան
