16.08.2026 | 23:19
Ըմբիշներ Սամվել Տերտերյանը և Յուրիկ Պետրոսյանը դուրս են եկել Մ-20 ԱԱ-ի եզրափակիչ. ՏԵՍԱՆՅՈՒԹ
Հաց բերողի մահվան մեջ վճռորոշ է եղել Արմեն Չարչյանի ստորագրած կեղծ եզրակացությունը. Տիգրան Եգորյան․ ՏԵՍԱՆՅՈՒԹ
Քաղաքականություն
09.02.2023 | 20:17
ԱԺ ընդդիմադիր «Հայաստան» դաշինքի պատգամավոր Արմեն Չարչյանն այսօր զրկվեց անձեռնմխելիությունից։ Ըստ Գլխավոր դատախազության՝ նա որպես փորձագետ ընդգրկված է եղել Արթուր Սարգսյանի՝ Հաց բերողի մեղադրանքների առնչությամբ նշանակված կրկնակի դատաբժշկական փորձաքննության հանձնաժողովի կազմում, և 2017 թվականի փետրվարի 8-ին ստորագրել է կրկնակի դատաբժշկական հանձնաժողովային փորձաքննության ակնհայտ կեղծ եզրակացություն: Ըստ դրա՝ թույլատրելի է համարվել Արթուր Սարգսյանի կալանավորումը։
Factor TV-ին տված հարցազրույցում Արթուր Սարգսյանի իրավահաջորդի ներկայացուցիչ, փաստաբան Տիգրան Եգորյանը նշում է՝ այս բացահայտումը նոր չէ։
«Կոնկրետ այն հիմքը, որ գլխավոր դատախազը պարզաբանեց ԱԺ-ում, այդ հիմքն առկա էր այն պահից, երբ ստացվեց այդ եզրակացությունը։ Հետևյալի մասին է խոսքը․ եզրակացության մեջ մի պարբերությամբ նշված է, որ առանց Արթուր Սարգսյանի հետազոտման և ֆունկցիոնալ չափումներ իրականացնելու՝ հնարավոր չէ որոշել հիվանդության ծանրության աստիճանը, բայց մի քանի պարբերություն անց որոշում են, որ հիվանդությունն այն փուլում, որ գտնվում է, չի ախտահարել ներքին օրգանները, հետևաբար՝ չի համապատասխանում Կառավարության որոշմանը կալանքից ազատելու հիմքերի մասին»,- նշեց նա։
Դատաբժշկական հանձնաժողովային փորձաքննության երկրորդ եզրակացությունը, որով թույլատրելի է համարվել Արթուր Սարգսյանի՝ Հաց բերողի կալանավորումը, ի՞նչ դեր է ունեցել նրա մահվան հարցում՝ հետաքրքրվեցինք Տիգրան Եգորյանից։ Փաստաբանն ասաց՝ այդ եզրակացությունը վճռորոշ դեր է ունեցել Արթուր Սարգսյանի մահվան հարցում։
Նշենք, հենց այս եզրակացությունն է Դատախազությունը կեղծ որակում, ինչի ներքո դրված է նաև Արմեն Չարչյանի ստորագրությունը։
Հարցազրույցն ամբողջությամբ՝ տեսանյութում։
Ռոբերտ Անանյան
