Երկու երկրների քաղաքական խորհրդակցությունը հասել է աննախադեպ մակարդակի.ՀՀ-ում Իրանի դեսպան․ ՏԵՍԱՆՅՈՒԹ

«Ուրախ եմ ներկա լինելու այս գիտաժողովում, որը նվիրված է Հայաստանի ու Իրանի պետությունների միջև դիվանագիտական հարաբերությունների հաստատման 31-րդ տարեդարձին»,- այս մասին «Հայաստան-Իրան հարաբերություններն ընդհանուր շահերի համատեքստում» խորագրով համաժողովի ժամանակ իր ելույթում ասաց ՀՀ-ում Իրանի դեսպան Աբբաս Բադախշան Զոհուրին: Աշխատաժողովը նախաձեռնել է ՀՀ ԳԱԱ արևելագիտության ինստիտուտը։

«Իրանի Իսլամական Հանրապետությունը, որը հեղափոխության արդյունքում ծնունդ առած քաղաքական վարչական համակարգ է, արտաքին հարաբերությունների կարգավորման հարցում իր մոտեցումը հիմնել է երեք սկբունքների վրա՝ արժանապատվություն, իմաստություն ու նպատակահարմարություն։ Այս սկզբունքները մեր գործողությունները կենտրոնացնում են երկկողմ տարածաշրջանային ու միջազգային համագործակցությունը ընդլայնելու, տարածաշրջանում խաղաղության ու կայունության հաստատմանը աջակցելու, արտաքին հարաբերությունները հօգուտ ազգային կարողությունների օգտագործելու շուրջ։

1991 թվականին Հայաստանի վերանկախացումը նոր դուռ բացեց հայ-իրանական հարաբերությունների համար։ 31 տարի առաջ այս օրը երկու երկների միջև պաշտոնապես հաստատվեցին քաղաքական հարաբերություններ»,- նշեց դեսպանը։

Նրա դիտարկմամբ՝ վերջին շրջանում երկու երկրների տեսակետների ընդհանրությունն ու հիմնական շահերի համընկնումը նոր իրավիճակ են ստեղծել  հարաբերություններում, որը հակիրճ կերպով կարելի է արտահայտել 3 ուղղություններով։

«Նախ՝ երկու երկրների ղեկավարների միակարծությունը և քաղաքական խորհրդակցությունը հասել են աննախադեպ մակարդակի։

Երկրորդ՝ 2015 թվականի Իրանի և ԵԱՏՄ-ի միջև արտոնյալ համաձայնագրի իրականացումը պատճառ է դարձել, որպեսզի երկու երկրների միջև առևտրային հարաբերությունները զգալիորեն աճեն»,- նշեց ՀՀ-ում Իրանի դեսպանը։

Մանրամասները՝ տեսանյութում։