01.06.2026 | 22:39
Ադրբեջանում քաղաքական բանտարկյալների օր սահմանելու նախաձեռնությամբ են հանդես եկել
Երկու չգործող, փոքր զորամաս է եղել. Գեղամ Մանուկյանը` Սեյրան Օհանյանի օրոք վաճառած գույքերի մասին․ ՏԵՍԱՆՅՈՒԹ
Քաղաքականություն
07.02.2023 | 12:53
«Հայաստան» խմբակցության պատգամավոր Գեղամ Մանուկյանն այսօր լրագրողներին հետ զրույցում փաստաթուղթ ներկայացրեց՝ նշելով․ «Սա Նիկոլ Փաշինյանի ստորագրությամբ փաստաթուղթ է, ՊՆ-ի՝ թվով 71 գույք է փոխանցվել Պետական գույքի կառավարման կոմիտեին, որ հետո օտարվի: Այստեղ 71 զորամասի հասցե է՝ «Ստալիչնի պոլկն» էլ մեջը։ Հիմա ի՞նչ, հայտարարեն, որ զորամասեր են վաճառում: Ո՛չ, պարզապես այս զորամասերը չգործող զորամասեր են, բեռ են եղել ՊՆ-ի համար, դրա համար հանվել են վաճառքի»։
Ընդդիմադիր պատգամավորի խոսքով՝ Սեյրան Օհանյանի շուրջ տեղի ունեցող գործընթացը շոու է․ «Սա Ազատ գյուղում տեղի ունեցած ողբերգությունից հասարակության ուշադրությունը շեղելու համար է»։
«Հայաստան» խմբակցության պատգամավորի դիտարկմամբ՝ տարիներ անց այլ դատախազ կգա ու Սուրեն Պապիկյանին Նիկոլ Փաշինյանի հետ «կգամի անարգանքի սյունին» «Ստալիչնի պոլկ»-ը վաճառելու համար, ինչն ա անարդար է, բայց տա Աստված, որ Հայաստանում հետագայում նման էժան շոուներով իշխանությունը չծանրաբեռնի իր աշխատանքը», – նշեց Մանուկյանը:
Պատգամավորի կարծիքով՝ Սեյրան Օհանյանին կալանավորելու քայլին իշխանությունը չի գնա․ «Կարծում եմ՝ այդտեղ չեն հասնի»։
Մանրամասները՝ տեսանյութում։
