27.06.2026 | 06:03
ԱԱ-2026. Իսպանիան հաղթեց Ուրուգվային, Կաբո Վերդեն նույնպես դուրս եկավ փլեյ-օֆֆ. ՏԵՍԱՆՅՈՒԹ
ԵՄ-ի և Ադրբեջանի միջև գազային համաձայնագրի նախագիծը հարված է հայերի թիկունքին․ ֆրանսիացի սենատոր
Քաղաքականություն
04.02.2023 | 17:55
Եվրամիության և Ադրբեջանի միջև գազային համաձայնագրի նախագիծը հարված է հայերի թիկունքին՝ Twitter-ում գրել է Ֆրանսիայի Սենատի անդամ Բրունո Ռետայոն:
«Մենք չենք կարող պաշտպանել զոհերին՝ սակարկելով դահիճների հետ։ Էմանուել Մակրոնը Ֆրանսիայի անունից պետք է դատապարտի այս չարագործ համաձայնագիրը»,- գրել է Ռետայոն:
Հիշեցնենք՝ նախօրեին ԵՄ էներգետիկայի հանձնակատար Կադրի Սիմսոնը Ադրբեջան կատարած իր այցի մասին գրառում էր կատարել՝ նշելով․ «Ադրբեջանում հագեցած օրը մոտենում է ավարտին։ Շատ է խոսվել գազի ոլորտում մեր համագործակցության մասին, սակայն, միևնույն ժամանակ, վերականգնվող էներգետիկան նույնպես պետք է հավուր պատշաճի ուշադրության արժանանա, քանի որ Ադրբեջանն ունի վերականգնվող էներգիայի հզոր ներուժ»։
Ավելի վաղ ֆրանսիացի պատգամավոր Ան Լորանս Փեթելը ևս դիմել էր Եվրահանձնաժողովի նախագահ Ուրսուլա ֆոն դեր Լեյենին և ԵՄ էներգետիկայի հանձնակատար Կադրի Սիմսոնին՝ կոչ անելով դադարեցնել բռնակալներին սիրաշահել։
Ադրբեջանի նախագահ Իլհամ Ալիևը Բաքվում Հարավային գազային միջանցքի խորհրդատվական խորհրդի 9-րդ և Կանաչ էներգետիկայի խորհրդատվական խորհրդի 1-ին նախարարների հանդիպմանը հայտարարել էր, թե նախատեսում են մինչև 2027 թվականը կրկնապատկել ադրբեջանական գազի արտահանումը Եվրոպա։
Le projet d’accord gazier entre l’UE et l’Azarbaïdjian est un coup de poignard dans le dos des Arméniens. On ne peut pas défendre les victimes tout en marchandant avec les bourreaux. Au nom de la France, @EmmanuelMacron doit dénoncer cet accord scélérat. https://t.co/mQ710Gua3i
— Bruno Retailleau (@BrunoRetailleau) February 3, 2023
