19.04.2024 | 23:26
Գցել են գետնին, ոտքը դրել գլխին և ձեռքերը ոլորելով՝ փորձել հանել հագուստը․ խոշտանգման մասին նոր ահազանգ․ ՏԵՍԱՆՅՈՒԹ
Մենք Ադրբեջանից գազ չենք ուզում, դադարեցրե՛ք բռնակալներին սիրաշահել, դադարեցրե՛ք ամաչեցնել ԵՄ-ին․ ֆրանսիացի պատգամավորը՝ Ուրսուլա ֆոն դեր Լեյենին և Կադրի Սիմսոնին
Քաղաքականություն
04.02.2023 | 11:45
Ֆրանսիացի պատգամավոր Ան Լորանս Փեթելը թվիթերի իր էջում արված գրառմամբ դիմել է Եվրահանձնաժողովի նախագահ Ուրսուլա ֆոն դեր Լեյենին և ԵՄ էներգետիկայի հանձնակատար Կադրի Սիմսոնին։
«Խնդրում եմ ֆոն դեր Լեյե՛ն, Կադրի Սիմսո՛ն, դադարեցրե՛ք բռնակալներին սիրաշահել։ Դադարեցրե՛ք ամաչեցնել Եվրամիությանը։ Մենք Ադրբեջանից գազ չենք ուզում։ Մեզ Եվրոպայում պետք է վերականգնվող էներգիա արտադրել։ Եվ մենք պետք է աջակցենք հայկական ժողովրդավարությանը»,- գրել է պատգամավորը հեշթեգերում նշելով՝ Եվրոպական խորհրդի ղեկավար Շառլ Միշելին, Եվրախորհրդի անդամ Ստեֆան Սեժուրնեին, ԵԽ պատգամավոր Նատալի Լուազոյին և ԵԽ շրջակա միջավայրի հանձնաժողովի նախագահ Պասկալ Կանֆինին։
Նշենք, որ նախօրեին ԵՄ էներգետիկայի հանձնակատար Կադրի Սիմսոնը Ադրբեջան կատարած իր այցի մասին գրառում էր կատարել՝ նշելով․ «Ադրբեջանում հագեցած օրը մոտենում է ավարտին։ Շատ է խոսվել գազի ոլորտում մեր համագործակցության մասին, սակայն, միևնույն ժամանակ, վերականգնվող էներգետիկան նույնպես պետք է հավուր պատշաճի ուշադրության արժանանա, քանի որ Ադրբեջանն ունի վերականգնվող էներգիայի հզոր ներուժ»։
Անահիտ Խաչատրյան
