15.07.2026 | 00:59
ԱԱ-2026․ Իսպանիան հաղթեց Ֆրանսիային և դուրս եկավ եզրափակիչ․ ՏԵՍԱՆՅՈՒԹ
Արուսյակ Ջուլհակյանը՝ ՄԻՊ թեկնածու առաջադրվելու տեղեկության մասին
Քաղաքականություն
02.02.2023 | 14:46
«Մարդու իրավունքների պաշտպանի նոր թեկնածու առաջադրելու շուրջ քննարկումները շարունակվում են, այս պահի դրությամբ դեռ չունենք որոշում»,- այսօր ԱԺ-ում լրագրողների հետ զրույցում նշեց «Քաղաքացիական պայմանագիր» խմբակցության պատգամավոր Արուսյակ Ջուլհակյանը՝ հավելելով, որ տարբեր անձանց շուրջ են եղել քննարկումներ։
Դիտարկմանը, որ շրջանառվում է նաև ՄԻՊ-ի պաշտոնում իր թեկնածության մասին լուրը, Ջուլհակյանն արձագանքեց․ «Ես առաջին անգամ ձեզնից եմ լսում այդ մասին»։
Անդրադառնալով հարցին, թե արդյոք այս անգամ ևս ականատես կլինենք այն ոչ ցանկալի նախադեպերի շարունակությանը, երբ ՔՊ-ականները կուսակցությունից դուրս գալու դիմում են գրում և մեկ օր հետո ինքնավար մարմնում պաշտոն են ստանձնում, պատգամավորը պատասխանեց. «Կապրենք, կտեսնենք։ Ես առաջարկում եմ չշտապել, որոշում լինելուն պես այդ մասին պատշաճ կերպով տեղեկատվություն կտարածվի»:
Մանրամասները՝ տեսանյութում։
