16.07.2026 | 01:03
ԱԱ-2026․ Եզրափակիչում՝ Իսպանիա – Արգենտինա․ ՏԵՍԱՆՅՈՒԹ
Արտառոց բան չեմ տեսնում. Գնել Սանոսյանը՝ Շիրակի մարզպետի փոփոխության մասին․ ՏԵՍԱՆՅՈՒԹ
Քաղաքականություն
30.01.2023 | 13:33
«Որևէ արտառոց բան չեմ տեսնում»,- Գյումրիում լրագրողների հետ զրույցում այսպես արձագանքեց ՀՀ տարածքային կառավարման և ենթակառուցվածքների նախարար Գնել Սանոսյանը՝ անդրադառնալով դիտարկմանը, որ Շիրակի մարզում 5 տարվա ընթացքում 5 մարզպետ է փոխվել։
«Ընդհանրապես հեղափոխությունից հետո բոլոր ոլորտներում փոփոխություններ լինում են։ Փոփոխությունները կատարվել են հանգամանքների բերումով,- նշեց Սանոսյանը։
Նախարարի խոսքով՝ առաջիկայում մարզպետարաններում կառուցվածքային փոփոխություններ կլինեն․ «Հիմնականում բաժինների վերամիավորումներ են լինելու, բայց դա ցավոտ չի լինի,– ասաց նա` հիշեցնելով, որ գործընթացը սկսվել է 2019 թվականից։– Մենք չենք շտապել այդ պրոցեսն արագ իրականացնել և դա կապել ենք նաև համայնքների խոշորացման հետ։
Համայնքները միավորեցինք և հիմա այս փուլով փոխում ենք մարզպետարանի կառուցվածքը: Հաշվի առնելով, որ մարզային գործընկերները գիտեին, որ այս պրոցեսը լինելու է՝ հաստիքները հիմնականում թափուր էին մնացել»:
Սանոսյանի հավաստմամբ՝ մարզպետարաններում կրճատումներ գրեթե չեն լինի, որոշ տեղերում` ընդամենը 3-4 հոգի։
Մանրամասները՝ տեսանյութում։
