16.07.2026 | 01:03
ԱԱ-2026․ Եզրափակիչում՝ Իսպանիա – Արգենտինա․ ՏԵՍԱՆՅՈՒԹ
ԱՄՆ Պետքարտուղարությունը՝ Հայաստանում ԵՄ առաքելության ստեղծման վերաբերյալ ՌԴ ԱԳՆ-ի «սպառնալից» հայտարարության մասին
Քաղաքականություն
27.01.2023 | 12:02
ԱՄՆ Պետքարտուղարության փոխխոսնակ Վեդանտ Պատելը նախօրեի ճեպազրույցում անդրադարձել է նաև Հայաստան-Ադրբեջան բանակցություններին ու ՌԴ ԱԳՆ հայտարարությանը Հայաստանում ԵՄ առաքելության ստեղծման վերաբերյալ ու տարածաշրջանում Մոսկվայի դերին։
Հարցին, թե ՌԴ ԱԳՆ-ն կոշտ հայտարարություն է արել քննադատելով ԵՄ-ին Հայաստան-Ադրբեջան սահման քաղաքացիական դիտորդական առաքելություն ուղարկելու համար, և ինչպե՞ս է ԱՄՆ-ն դիտարկում Ռուսաստանի դերը տարածաշրջանում՝ դա խաղաղարար է, թե՞ խռովարար, Պատելը նշել է, որ Վաշինգտոնը հավատարիմ է Հայաստան-Ադրբեջան խաղաղ բանակցություններին։
«Մենք ողջունում ենք մեր գործընկերների, այդ թվում ՝ ԵՄ ջանքերը տարածաշրջանում վստահություն ձևավորելու և Հայաստանի և Ադրբեջանի միջև ուղիղ երկխոսության համար նպաստավոր միջավայր ապահովելու համար։ Մենք շարունակում ենք սերտորեն համագործակցել անմիջականորեն մեր բոլոր գործընկերների, ինչպես նաև տարածաշրջանի գործընկերների հետ: Ռուսաստանի դերի մասին՝ ԱՄՆ-ը ներգրավված չէ նոյեմբերին Ռուսաստանի միջնորդությամբ Հայաստանի և Ադրբեջանի միջև կնքված հրադադարի մեջ, որը հանգեցրեց ռուս խաղաղապահների տեղակայմանը, ուստի՝ ես ուղղակի ոչինչ չունեմ առաջարկելու այդ հարցում: Սակայն գիտեք, որ սա մի հարց է խորապես կարևոր պետքարտուղարի համար, որին նա մեծ ուշադրություն է դարձնում և խորապես ներգրավված է»,-ասել է Պատելը։
Էմմա Չոբանյան
