19.04.2024 | 23:26
Գցել են գետնին, ոտքը դրել գլխին և ձեռքերը ոլորելով՝ փորձել հանել հագուստը․ խոշտանգման մասին նոր ահազանգ․ ՏԵՍԱՆՅՈՒԹ
Մարզպետն այցելել է Գավառի դրամատիկական թատրոնի շենք, որի կառուցման համար պետբյուջեից ծախսվել է 870 միլիոն դրամ
Մշակույթ
14.06.2018 | 16:34
Հունիսի 13-ին Գեղարքունիքի մարզպետ Իշխան Սաղաթելյանն այցելեց Գավառ քաղաքի Լ. Քալանթարի անվան պետական դրամատիկական թատրոնի նորակառույց շենք, որի կառուցման համար պետբյուջեից ծախսվել է 870 միլիոն դրամ: Մարզպետը ծանոթացավ թատրոնի արդիական պայմաններին, զրուցեց տնօրենի և դերասանական անձնակազմի հետ:
Շենքի կառուցումն ու կահավորումն ավարտված է ամբողջությամբ, իսկ շահագործման համար մնում է լուծել որոշ տեխնիկական խնդիրներ: Թատրոնի շենքի բացման ժամկետները հստակեցնելու նպատակով մարզպետ Իշխան Սաղաթելյանն առաջարկեց կազմակերպել բովանդակային քննարկում՝ միաժամանակ ցանկություն հայտնելով անձամբ դիտել թատրոնի առաջիկա ներկայացումը:
«Այս շենքը մեր մարզկենտրոնի նման փոքր քաղաքի համար մեծ շքեղություն է, անառարկելի ձեռքբերում, որը պետք է նպաստի այս քաղաքի, մեր մարզի թատերական ու մշակութային կյանքի զարգացմանը: Այո, այն պետք է մշակույթ թելադրի մարզի մյուս համայնքներին, աշխատի լիարժեք, համագործակցություն հաստատի մայրաքաղաքի թատրոնների հետ, ճանաչելի դառնա մեր հանրապետությունում, նույնիսկ նրա սահմաններից դուրս: Գավառի պետթատրոնի գործունեությունը, նրա հանրաճանաչության ապահովումը կլինի մեր մշտական ուշադրության ներքո»,-հավաստիացրեց Գեղարքունիքի մարզպետը:
