14.12.2025 | 19:26
Մրգի խանութի սեփականատերը զինաթափել է Սիդնեյի լողափին մարդկանց վրա կրակողներից մեկին
ՀՀ-ն առողջապահական տուրիզմի զարգացման լայն հնարավորություններ ունի
25.01.2023 | 22:25
Կատարի հետ գործակցության ուղիներն ամրապնդվել են. առողջապահությունը առաջնահերթությունների շարքում է։ Այս մասին տեղեկացնում է ՀՀ առողջապահության նախարարությունը։
Նշվում է, որ աշխատանքային այցով Կատարի Պետությունում գտնվող ՀՀ պատվիրակության անդամները հանդիպել են Զարգացման հիմնադրամի գլխավոր տնօրենին։
Հիմնադրամի գլխավոր տնօրեն Խալիֆա բին Ջասեմ ալ-Քուարը յուրաքանչյուր ոլորտում կարևորել է մարդկային ռեսուրսը։
«Հայաստանի առողջապահական բարեփոխումների հիմքում պացիենտն է»,-ներկայացնելով ՀՀ առողջապահական համակարգում իրականացվող լայնածավալ փոփոխությունները` ասել է առողջապահության նախարար Անահիտ Ավանեսյանը։
Նախարարն առանձնակի շեշտել է առողջության առաջնային պահպանման օղակի բարեփոխումները` հատկանշելով շենքային պայմաններից մինչև մասնագետների վերապատրաստումը, աշխատանքի կազմակերպումն էլեկտրոնային համակարգով։
Անդրադառնալով առողջապահական տուրիզմի Հայաստանի հնարավորություններին` նախարարը նշել է, որ COVID-19 համավարակի դժվար ժամանակաշրջանն օգնել է հասկանալ, որ մեր երկիրն առողջապահական տուրիզմի զարգացման լայն հնարավորություններ ունի։
Ուստի, հիմնվելով միջազգային փորձի վրա, ուշադրության կենտրոնում է լինելու նաև այդ ոլորտի զարգացումը։
