13.05.2026 | 23:30
Ադրբեջանը հիշատակվում է Պենտագոնի կողմից հրապարակված չբացահայտված թռչող օբյեկտների ֆայլերում
Եթե Ադրբեջանը հարձակվի ՀՀ-ի վրա, ԵՄ-ին ձեռնոց կնետի․ կստացվի՝ Ալիևը դիմակայության կգնա Արևմուտքի հետ․ Սոսի Թաթիկյան․ ՏԵՍԱՆՅՈՒԹ
Քաղաքականություն
25.01.2023 | 21:32
Եվրամիության խորհուրդն օրերս համաձայնություն տվեց ՀՀ-ի տարածքում քաղաքացիական առաքելության ստեղծմանը։ ԵՄ դիտորդական առաքելությունը ՀՀ-ում տեղեկայվում է երկու տարով։ ԵՄ-ի 100 դիտորդները պարեկություն կանեն և կտեղեկացնեն իրավիճակի մասին Բրյուսելին։
Կարելի՞ է պնդել, որ ԵՄ-ն կամ Արևմուտքը փաստացի ստանձնում են անվտանգային որոշակի պատասխանատվություն ՀՀ անվտանգության նկատմամբ, թե՞ դա ասելը չափազանցություն կլինի։ Միջազգային հարաբերությունների և անվտանգության հարցերի մասնագետ Սոսի Թաթիկյանը Factor TV-ին տված հարցազրույցում չափազանց կարևորելով ԵՄ-ի առաքելության գործուղումը Հայաստան, ամեն դեպքում, առաջարկում է ծայրահեղությունների մեջ չընկնել։
«Սա շատ կարևոր փափուկ ուժ է։ Ես հասկանում եմ շատերի տարակուսանքը, երբ ասում են՝ ընդամենը 100 դիտարկողն ու փորձագետն ինչ կարող են անել։ Իհարկե՝ նրանք չեն կարող ռազմական ուժի օգտագործման դեմ շոշափելի դիմակայություն ցույց տալ, սակայն նրանք կարող են կանխել այդ ռազմական ուժի գործածումը: Բոլորս էլ հասկանում ենք, որ այս առաքելության իմաստն Ադրբեջանին զսպաշապիկ հագցնելն է, որ նա դադարեցնի ռազմական ուժի կիրառումը և ՀՀ տարածքների բռնագրավումը»,- ասաց Սոսի Թաթիկյանը։
Ըստ նրա՝ ԵՄ-ի դիտորդական առաքելություն Հայաստան ուղարկելու որոշման կայացման մեջ մեծ դեր է կատարել նաև քաղհասարակությունը, որից էլ երկու տարի առաջ բխել է այս գաղափարը, և քաղհասարակությունը սա ջատագովել է թե՛ ՀՀ իշխանությունների շրջանում, թե՛ եվրոպական կառույցներում։
Հարցազրույցն ամբողջությամբ՝ տեսանյութում։
Ռոբերտ Անանյան
