13.09.2026 | 16:49
Փաշինյանը շնորհավորել է Հայաստանի հրեական համայնքին՝ Ռոշ Հաշանայի առիթով
Ադրբեջանի ԱԳՆ-ն բողոքել է ՄԱԿ-ի Բնակչության հիմնադրամի՝ Լաչինի միջանցքի բացման հայտարարության կապակցությամբ
Քաղաքականություն
25.01.2023 | 22:11
Ադրբեջանի ԱԳ նախարարությունը «զարմանք և ափսոսանք» է հայտնել Լաչինի միջանցքի փակման շուրջ ստեղծված իրավիճակի վերաբերյալ ՄԱԿ-ի Բնակչության հիմնադրամի հայտարարության կապակցությամբ՝ կոչ անելով կազմակերպությանը «զերծ մնալ գործողություններից և հայտարարություններից», որոնք կարող են վնասել նրա հեղինակությանը:
«Մենք կոչ ենք անում ՄԱԿ-ի Բնակչության հիմնադրամին՝ մնալ անաչառ, զերծ մնալ գործողություններից և հայտարարություններից, որոնք կվնասեն կազմակերպության հեղինակությանը»,- ասվում է հաղորդագրությունում։
Բաքուն կարծում է, որ Հիմնադրամի հունվարի 24-ի հայտարարությունը Լաչինի միջանցքի փակման շուրջ ստեղծված իրավիճակի վերաբերյալ «կանխակալ է, չի համապատասխանում իրականությանը և դուրս է կազմակերպության մանդատից»։
«Լաչինի ճանապարհին՝ Ադրբեջանի ինքնիշխան տարածքում խաղաղ ցույցերի անցկացումն Ադրբեջանի բնական պաշարների ապօրինի շահագործումը կանխելու, այդ ռեսուրսներն Ադրբեջանից Հայաստան տեղափոխելու և Լաչինի ճանապարհի չարաշահման պահանջով է, դա ադրբեջանական ժողովրդի օրինական իրավունքն է»,- ասվում է հայտարարության մեջ։
Հավելենք, որ ՄԱԿ-ի Բնակչության հիմնադրամը կոչ էր արել ապահովել Լաչինի միջանցքով ազատ տեղաշարժը։
Էմմա Չոբանյան
