08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Հյուսիսային Կորեայի մայրաքաղաքում հիվանդությունների աճի պատճառով հնգօրյա կարանտին է հայտարարվել
Քաղաքականություն
25.01.2023 | 22:50
Հյուսիսային Կորեայի իշխանությունները հրահանգել են հնգօրյա կարանտին սահմանել Փհենյանի բնակիչների համար սուր շնչառական վարակների (ՍՇՎ) աճող դեպքերի պատճառով։ Այս մասին հայտնում է NK News-ը՝ վկայակոչելով ԿԺԴՀ կառավարության պաշտոնական ծանուցումը։
Աղբյուրի փոխանցմամբ՝ Հյուսիսային Կորեայի մայրաքաղաքում կարանտին է մտցվում այսօրվանից մինչ կիրակի ներառյալ։
Նշվում է, որ ծանուցումը վերաբերում է շնչառական հիվանդություններին, այդ թվում՝ մրսածությանը։ COVID-19-ի մասին ոչ մի խոսք չկա։
NK News-ը հայտնում է, որ Փհենյանի բնակիչներից պահանջվում է մնալ տներում մինչև կիրակի օրվա վերջը, նաև օրվա ընթացքում մի քանի անգամ կատարել ջերմաչափում։
Տաթև Ֆռանգյան
