20.02.2026 | 02:07
Ադելիա Պետրոսյանը մեդալ չնվաճեց ձմեռային Օլիմպիական խաղերում
ԵՄ-ի որոշման ֆոնին` ՀԱՊԿ-ն հնարավոր է համարել Հայաստան դիտորդական առաքելություն ուղարկել
Քաղաքականություն
24.01.2023 | 21:20
ՀԱՊԿ-ն շարունակում է աշխատել հայ-ադրբեջանական սահմանին դիտորդական առաքելության ուղարկելու ուղղությամբ: Այս մասին RBK-ին ասել է ՀԱՊԿ մամուլի քարտուղար Վլադիմիր Զայնետդինովը։
Վերջինիս խոսքով՝ այն բանից հետո, երբ ՀՀ վարչապետ Նիկոլ Փաշինյանը նման հարցումով դիմել է ՀԱՊԿ-ին, Հավաքական անվտանգության խորհուրդը մշակել է «Հայաստանի Հանրապետությանը օգնություն ցուցաբերելու համատեղ միջոցառումների մասին» նախագիծ:
«Նախագծի վրա աշխատանքը շարունակվում է։ Հաստատման ընթացակարգի ավարտից հետո նախագիծը կներկայացվի կազմակերպության կանոնադրական մարմինների քննարկմանը»,- նշել է Զայնետդինովը՝ հավելելով, որ ժամկետների վերաբերյալ կոնկրետ թվեր նշելը վաղաժամ է։
«Բացի Երևանին այլ աջակցություն ցուցաբերելուց` սա ենթադրում է ՀԱՊԿ ժամանակավոր դիտորդական առաքելություն հայ-ադրբեջանական սահման ուղարկել և որոշում 1 այդպիսի առաքելության չափը, մանդատը և աշխատանքի ժամկետները։
Նախագիծը «գտնվում է բարձր պատրաստվածության մեջ, սակայն ՀԱՊԿ ԿԱԽ վերջին նիստում հնարավոր չի եղել ընդունել այս փաստաթուղթը։ «Դրա վրա աշխատանքները շարունակվում են։ Հաստատման ընթացակարգի ավարտից հետո նախագիծը կներկայացվի կազմակերպության կանոնադրական մարմինների քննարկմանը»,- նշել է Զայնետդինովը և ասել, որ թվի և ժամկետների վերաբերյալ կոնկրետ տեղեկատվություն նշելը վաղաժամ է։
Հիշեցնենք՝ ՀԱՊԿ-ի կազմում են Հայաստանը, Բելառուսը, Ռուսաստանը, Ղազախստանը, Ղրղզստանը և Տաջիկստանը։
