04.05.2024 | 22:05
Պատգամավորները Վաշինգտոնում հանդիպել են ԱՄՆ ՄԶԳ կառավարչի փոխտեղակալ Ալեքսանդր Սոկոլովսկու հետ
120 հազար արցախահայերի թիկունքում ձեր ռուս մատակարարին փոխարինել եք ադրբեջանցի գարշելի մատակարարո՞վ․ ֆրանսիացի պատգամավորը՝ Ուրսուլա Ֆոն դեր Լեյենին
Քաղաքականություն
23.01.2023 | 10:36
Ֆրանսիացի պատգամավոր Սառա Թանզիլին թվիթերյան գրառմամբ դիմել է Եվրահանձնաժողովի նախագահ Ուրսուլա Ֆոն դեր Լեյենին։
«Ֆոն դեր Լեյեն, ուզում եք ասել, որ ձեր ռուս մատակարարին փոխարինել եք ադրբեջանցի գարշելի մատակարարո՞վ, որը հենց ինքն է Մոսկվայից գազ ստանում։ Եվ այս ամենը 120 հազար արցախահայերի թիկունքո՞ւմ, որոնց Ռուսաստանը լքել է գազի վաճառքի պատճառով»,- գրել է ֆրանսիացի պատգամավորը։
Նշենք, որ Եվրոպական հանձնաժողովում ելույթ ունենալիս Ֆոն դեր Լեյենն ասել էր․ «Մենք կարողացել ենք այլընտրանք գտնել ռուսական վառելիքի մեծ մասի համար, որը նախկինում ներկրում էինք։ Եվ մեզ հաջողվել է կրկնապատկել վերականգնվող էներգիայի քանակը։ Բայց մենք խնդիրը դեռ չենք լուծել, այսպես ասած՝ «անտառից դուրս չենք եկել»։ Պետք է պատրաստվենք հաջորդ ձմռանը»։
Անահիտ Խաչատրյան
