18.04.2024 | 23:30
Էրդողանը կարող է լքել իշխող կուսակցության ղեկավարի պաշտոնը
Ադրբեջանի ԱԳ փոխնախարարը բողոքել է Լաչինի միջանցքի փակման առնչությամբ Բաքվի նկատմամբ կիրառվող «միջազգային երկակի ստանդարտներից»
Քաղաքականություն
19.01.2023 | 14:22
Ադրբեջանի ԱԳ փոխնախարար Խալաֆ Խալաֆովը լրագրողներին դժգոհել է Լաչինի միջանցքի փակման մասով մի շարք միջազգային կազմակերպությունների ու երկրների արձագանքից։
«Ինչպես գիտեք, բնապահպան ակտիվիստները և հասարակական կազմակերպությունների ներկայացուցիչներ հանքավայրերի ապօրինի շահագործման բողոքի ակցիա են իրականացնում այն տարածքներում, որտեղ ժամանակավորապես տեղակայված են ռուս խաղաղապահները։ Ցավոք, ինչպես 90-ականներին, այսօր ևս մենք վկա են նրա, թե ինչպես երկակի ստանդարտներ են կիրառվում Ադրբեջանի նկատմամբ»,-ասել է Խալաֆովը։
Նա փաստացի հաստատել է, որ ակցիան կազմակերպել են Ադրբեջանի իշխանությունները՝ չթաքցնելով, որ ակցիայի նպատակը բնավ էլ բնապահպանական չէ, այլ Լաչինի միջանցքի նկատմամբ վերահսկողություն սահմանելը։
«Այս ակցիան իրականացվում է Ադրբեջանի հողերի վրա, և չնայած երկակի ստանդարտներին, Ադրբեջանի ժողովուրդը պահանջելու է իրավունքի վերականգնում և հասնելու է իր նպատակին։ Ադրբեջանը, որպես իր տարածքների անվտանգության երաշխավոր, բոլոր իրավունքներն ունի ապահովելու «Լաչին-Խանքենդի ճանապարհի» լիակատար վերահսկողությունը՝ մեր ինքնիշխան իրավունքներին համապատասխան։ Այդ ակցիան հասարակական-քաղաքական շարժում է, այն արտացոլում է, որ ադրբեջանցի ժողովուրդը իր հողի և բնական պաշարների տերն է՝ որպես 44-օրյա պատերազմում հաղթանակի արդյունք»,-ասել է Խալաֆովը։
Էմմա Չոբանյան
