12.12.2024 | 13:44
ԵԱՀԿ հատուկ ներկայացուցիչը հայտարարել է Ուկրաինային ԵՄ-ի և ՆԱՏՕ-ի անդամակցությանը նախապատրաստելու ծրագրի մասին
Արցախի ոստիկանությունը փակել է Ստեփանակերտի Վերածննդի հրապարակը. պատճառը «Ազգային վերածնունդ» կուսակցության հանրահավաքն է. ՏԵՍԱՆՅՈՒԹ
Քաղաքականություն
13.06.2018 | 19:04
Երեկ` հունիսի 12-ին, «Ազգային վերածնունդ» կուսակցության նախագահ Հայկ Խանումյանը կոչով դիմել է արցախցիներին՝ այսօր՝ ժամը 5-ին, գալ Վերածննդի հրապարակ, որտեղ առաջարկվելու էր Արցախում ստեղծված քաղաքական ճգնաժամից դուրս գալու տարբերակներ: Ոստիկանությունը, սակայն, փակել է հրապարակ բերող բոլոր ճանապարհները և առաջարկել հանրահավաքն անցկացնել հարակից Նելսոն Ստեփանյանի անվան այգում:
Ավելի վաղ նշված կուսակցության անդամ Տիգրան Գրիգորյանը ֆեսբուքյան իր գրառման մեջ ասել է. «Մի քանի ժամ առաջ ես ու Հայկ Խանումյանը հանդիպել ենք Ստեփանակերտի քաղաքապետի ու ավագանու հետ, որպեսզի քննարկենք այսօրվա մեր հանրահավաքի հետ կապված հարցերը: Հայկը քաղաքապետին ներկայացրել է հիմնավորումներ, թե ինչու մենք քաղաքապետարանից հանրահավաք անցկացնելու թույլտվություն չենք խնդրել:
1. մենք տարիներ շարունակ գրավոր դիմումներ էինք ներկայացնում քաղաքապետարան՝ խնդրելով մեզ տրամադրել տարածք հավաքի համար: Մի անգամ նույնիսկ գրավոր դիմումի մեջ նշել էինք, որ պատրաստ ենք հանրահավաք անել քաղաքապետարանի կողմից նշված ցանկացած վայրում ու ցանկացած օր: Սակայն մեր բոլոր գրավոր դիմումները մերժվել են:
2. Մենք անիմաստ ենք համարում հավաքի անցկացման թույլտվություն խնդրել մի պաշտոնյայից, ով մի քանի տարի առաջ բառացիորեն ասել է. «էդ օրենքներին մի խաբվեք»: Քաղաքապետ Սուրեն Գրիգորյանը իր ավագանու ներկայությամբ հայտարարել է, որ նա այդպիսի արտահայտություն չի արել և պահանջել է ապացույցներ ներկայացնել»:
Այս պահին ոստիկանության ներկայացուցչի և Հայկ Խանումյանի միջև բանակցություններ են ընթանում ստեղծված վիճակից դուրս գալու համար:
Մարութ Վանյան. Ստեփանակերտ
Մանրամասները՝ տեսանյութում:
