ՏԱՐԱԿԱՐԾԻՔ. Զբոսաշրջիկին տանել գյուղ, թե՞ գյուղը բերել մայրաքաղաք․ «Հայկական գյուղ» ծրագրի մասին

Ինչպես հայտնի է, «Դալմա մոլ» համալիրի հարևանությամբ գտնվող տարածքում  նախատեսվում է իրականացնել «Հայկական գյուղ» ազգագրական թաղամասի կառուցապատման ներդրումային ծրագիրը: Օրեր առաջ վարչապետ Կարեն Կարապետյանին ներկայացվել են ծրագրի մանրամասները, որով նախատեսվում է ստեղծել Հայաստանի տարբեր տարածաշրջանների քաղաքային և գյուղական բնակավայրերի ազգային ավանդույթներին ու պատմականորեն ձևավորված ճարտարապետական դիմագծին բնորոշ ազգագրական թաղամաս՝ բնակելի տներով, հյուրանոցներով, ինչպես նաև նկարչությունն ու ազգային արհեստները  ներկայացնող ցուցասրահներով:

Ծրագրին նախորդել են Կառավարությանն առընթեր  քաղաքաշինության պետական կոմիտեի ու Ճարտարապետության և շինարարության Հայաստանի ազգային համալսարանի մասնագետների կողմից կատարված ուսումնասիրությունները՝ Հայաստանի տարբեր բնակավայրերին  բնորոշ «Հայկական տան» տիպերի վերաբերյալ:

Ներկայումս կառուցապատման ներդրումային ֆոնդը գտնվում է ձևավորման փուլում, որին մասնակցելու պատրաստակամություն են հայտնել հողամասերի սեփականատերերը և Երևանի քաղաքապետարանը: Կառավարության ղեկավարը համոզմունք է հայտնել, որ «Հայկական գյուղը» կարող է դառնալ Երևանի զբոսաշրջային գրավչություններից մեկը։ Նախագիծը, սակայն, միանշանակ չընդունվեց։ Բազմաթիվ մասնագետներ պնդում են, որ թաղամասի ստեղծումը  մտացածին, արհեստական մի գաղափար է, նրանք հարցնում են՝ ի՞նչ կարիք կա Երևանի կենտրոնում գյուղ ստեղծել, եթե կարելի է զարգացնել թեկուզ մայրաքաղաքից ոչ շատ հեռու գտնվող  մի շարք գյուղեր, որտեղ զբոսաշրջիկներին հնարավոր կլիներ ցույց տալ  կենդանի միջավայր։ 

Factor.am-ը թեմայի շուրջ զրուցել է նախագծային աշխատանքների համակարգող Սարգիս Թովմասյանի և  ճարտարապետ Արսեն Կարապետյանի հետ։

Աննա Բաբաջանյան