06.10.2026 | 19:28
Կրեմլը Լիտվայում միջուկային զենք տեղակայելու ծրագրերն «էսկալացիայի քայլ» է անվանել
ՔՊ-ն ընդդիմադիրներին մանդատից զրկելու հարցով կրկին որոշել է ՍԴ չդիմել
Քաղաքականություն
13.01.2023 | 18:04
Ազգային ժողովը այսօր խորհրդի նիստում այսօր քննարկվել է ընդդիմադիր մի խումբ պատգամավորների հարցով ՍԴ դիմել-չդիմելու հարցը։ Խմբակցության քարտուղար Հայկ Կոնջորյանը նիստից հետո այս մասին հայտնել է լրագրողների հետ ճեպազրույցում։
«Մենք քննարկել ենք հարցը և որոշել ենք այս անգամ ևս չդիմել ՍԴ հնարավորություն տանք, որ ընդդիմությանը ձայն տված քաղաքացիները ներկայացված լինեն Ազգային ժողովում։ Դա մեր հարգանքի դրսևորումն է մեր քաղաքացիների նկատմամբ»,- ասել է Կոնջորյանը։
Ըստ ԱԺ կայքում հրապարակված տվյալների՝ բացակաների թույլատրելի քանակը գերազանցել են «Հայաստան» խմբակցության պատգամավորներ Իշխան Սաղաթելյանը, Աննա Գրիգորյանը, Արմեն Ռուստամյանը, Սեյրան Օհանյանը, Էլինար Վարդանյանը, Արծվիկ Մինասյանը, Արգիշտի Գևորգյանը, Գեղամ Մանուկյանը, Քրիստինե Վարդանյանը, Աղվան Վարդանյանը, Աննա Գրիգորյանը, Ագնեսա Խամոյանը, Անդրանիկ Թևանյանը, Աշոտ Սիմոնյանը, Արմեն Չարչյանը, Ասպրամ Կրպեյանը, Արմենուհի Կյուրեղյանը, Թադևոս Ավետիսյանը, Արթուր Սարգսյանը, Արթուր Խաչատրյանը, Արեգնազ Մանուկյանը, Գեղամ Նազարյանը, Զեմֆիրա Միրզոյանը:
Խորհրդի նիստին ընդդիմադիրներն այսօր չեն մասնակցել, դա նշանակում է՝ հաջորդ շաբաթ ևս նիստ կկայանա։
Շողիկ Գալստյան
