16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
Փաշինյանը՝ խաղաղության պայմանագրի, Լաչինի միջանցքի մասին․ վթարվել է ՀՀ-Արցախ էլեկտրագիծը․ Լուրեր
Քաղաքականություն
10.01.2023 | 16:35
- Խաղաղության պայմանագրի տեքստը կատարյալ չի լինելու, եկեք էս գլխից հասկանանք։ Այս խոսքերով Նիկոլ Փաշինյանն իր ասուլիսին նկարագրել է Ադրբեջանի հետ բանակցությունների հնարավոր արդյունքը։ Նա նշել է, որ Սոթք-Խոզնավար հատվածում տեղի ունեցած իրադարձությունները, 2021 թվականի նոյեմբերին և 2022 թվականի սեպտեմբերին Ադրբեջանի ոտնձգությունները հիմք են տալիս ենթադրելու, որ Ադրբեջանը երբեք չի ճանաչի Հայաստանի տարածքային ամբողջականությունը, ընդհակառակը՝ նպատակ է դրել նորանոր տարածքային նկրտումներ ի ցույց բերելու ՀՀ-ի նկատմամբ։ Միևնույն ժամանակ նա նշել է, որ բացառում են ՀՀ տարածքով արտատարածքային միջանցքի գոյությունը։
- Փաշինյանը կրկնել է, որ եթե պարզվի, որ Լաչինի միջանցքում ՌԴ-ն իր պարտավորությունները չի կարողանում կատարել՝ օբյեկտիվ կամ սուբյեկտիվ պատճառներով, որպես ՄԱԿ Անվտանգության խորհրդի մշտական անդամ, ինքը պետք է դիմի ՄԱԿ-ի Անվտանգության խորհրդին՝ կա՛մ ռուսական խաղաղապահ զորախմբին միջազգային մանդատով օժտելու, կա՛մ Լեռնային Ղարաբաղ նոր բազմազգ խաղաղապահ առաքելություն ուղարկելու համար։
- Հայաստանից Արցախ գնացող էլեկտրագիծը, որով սնուցվում է Արցախը, վթարվել է այն հատվածում, որ գտնվում է Ադրբեջանի վերահսկողության տակ, հայտնել են Ստեփանակերտից։ վթարը գտնվում է Աղավնո-Բերձոր հատվածում, և Ադրբեջանի ապակառուցողական վարքի հետևանքով հնարավոր չէ դիտարկել վթարի վայրը։ Արցախում որոշում է կայացվել էլեկտրամատակարարումը իրականացնել տեղական արտադրող կայանների միջոցով՝ համապատասխան սահմանափակումներով։
Այս ժամի լուրերը՝ տեսանյութում։
