22.06.2026 | 13:44
Իրանի ֆուտբոլի հավաքականը հանդերձարանում շնորհակալական նամակ է թողել Աշխարհի առաջնությունը հյուրընկալող Լոս Անջելեսին
ՀԱՊԿ-ը Հայաստանից ստացել է տեղեկատվություն երկրում զորավարժությունների անցկացման ոչ նպատակահարմարության վերաբերյալ
Քաղաքականություն
10.01.2023 | 14:39
ՀԱՊԿ-ը Հայաստանի Պաշտպանության նախարարությունից ստացել է տեղեկատվություն՝ ՀՀ-ում 2023 թվականին կազմակերպության զորավարժությունների անցկացման ոչ նպատակային լինելու վերաբերյալ։ Այս մասին ՏԱՍՍ-ին հայտնել է է ՀԱՊԿ միացյալ շտաբի մամուլի քարտուղար Վլադիսլավ Շչեգրիկովիչը։
«ՀԱՊԿ միացյալ շտաբում ներկայում մշակվում են առաջարկներ ՀԱՊԿ անդամ այլ պետությունների տարածքում նման զորավարժությունների անցկացման հնարավորության վերաբերյալ, հստակեցվում են 2023 թվականին ՀԱՊԿ հավաքական անվտանգության համակարգի կառավարման ու վերահսկման մարմինների, ուժերի և միջոցների համատեղ վերապատրաստման ծրագիրը»,- ասել է Շչեգրիկովիչը։
Հիշեցնենք, որ այսօրվա մամուլի ասուլիսում ՀՀ վարչապետ Նիկոլ Փաշինյանը հայտարարել էր, որ Հայաստանում ՀԱՊԿ զորավարժություններ այս տարի տեղի չեն ունենա։
«Պաշտպանության նախարարն արդեն իսկ ՀԱՊԿ միացյալ շտաբին տեղեկացրել է, որ մենք ՀՀ-ում նման զորավարժություններ անցկացնելը նպատակահարմար չենք համարում, և դրանք, համենայնդեպս՝ այս տարի, չեն կայանա»,-ասել էր Փաշինյանը։
Նշենք, որ ավելի վաղ ՌԴ ՊՆ-ն հայտնել էր, որ ՀԱՊԿ «Անխախտ եղբայրություն 2023» խաղաղապահ զորավարժություններն այս տարի կանցկացվեն Հայաստանում:
Էմմա Չոբանյան
