19.04.2024 | 15:35
Վենետիկի արվեստի միջազգային 60-րդ բիենալեում Հայաստանը ներկայանում է «Արձագանք» մուլտիմեդիա նախագծով
Բաքուն Հայաստանին մեղադրում է Լաչինի միջանցքի փակման շուրջ «իրականությունը կեղծ նարատիվներով խեղաթյուրելու մեջ»
Քաղաքականություն
09.01.2023 | 15:08
Պաշտոնական Բաքուն շարունակում է կեղծ թեզեր տարածել Լաչինի միջանցքը փակելու հետ կապված ու սեփական գործողություններում մեղադրել Հայաստանին։ Մասնավորապես, այս անգամ էլ ՆԱՏՕ-ում Ադրբեջանի ներկայացուցչությունն է հայտարարություն տարածել՝ Երևանին մեղադրելով Լաչինի միջանցքի արգելափակման մեջ։
«Հայաստանը բազմաթիվ կեղծ նարատիվներ է առաջ տանում տեղում իրականությունը խեղաթյուրելու համար։ Հասկանալի է, թե ինչու է Հայաստանն այդքան հուսահատ, որովհետև Լաչինի ճանապարհն այլևս հասանելի չէ իր անօրինական գործողությունների համար՝ Ադրբեջանի բնական ռեսուրսները թալանելու, զենք ու անձնակազմ տեղափոխելու, այնպես ինչպես պետք է լինի 2020թ-ի նոյեմբերի 9-ի հայտարարության համաձայն»,- ադրբեջանական ԶԼՄ-ի հաղորդմամբ՝ ասվում է հայտարարության մեջ։
Այսպիսով՝ Բաքուն ևս մեկ անգամ փաստում է, որ իշխանությունների հրահանգով է Արցախը Հայաստանին կապող Լաչինի միջանցքը փակվել։ Բացի այդ նշվում է, որ Լաչինի միջանցքը, իբր, Ադրբեջանի ինքնիշխան տարածքն է, որը համաձայնել է դրա օգտագործմանը բացառապես հումանիտար նպատակներով։ Նշվում է նաև, որ Ադրբեջանը «բարեխղճորեն կատարել է իր բոլոր պարտավորությունները»։
Բաքուն շարունակում է պնդել, որ միջանցքը, իբր, «լիովին բաց է հումանիտար նպատակների համար՝ համաձայն եռակողմ հայտարարության»։
Հիշեցնենք, որ Ադրբեջանն արդեն 29-րդ օրն է, ինչ արգելափակված է պահում Լաչինի միջանցքը, ինչի հետևանքով հումանիտար ճգնաժամն Արցախում գնալով խորանում է։
Էմմա Չոբանյան
